"ძალა ერთობაშია!"-უნდა ვიზრუნოთ რომ ხმის მიცემის პროცედურები გამჭვირვალე იყოს და ეჭვის საფუძველს არ ტოვებდეს"- თაქთაქიშვილი ყრილობაზე

პოლიტიკა - 14:32, 01 Dec, 2016

1887

"ნაციონალური მოძრაობის" წევრი ჩიორა თაქთაქიშვილი ენმ-ს მხარდამჭერებს ჰპირდება, რომ ყრილობის მოსამზადებელი სამუშაოები, რომელშიც დღეიდან ჩატარდა მაქსიმალურად გამჭვირვალედ ჩატარეს.
"მეგობრებო, დღეიდან გადავდივართ ყრილობის მოსამზადებელ სამუშაო რეჟიმზე. გპირდებით, რომ გავაკეთებთ ყველაფერს, რომ ეს პროცესი იყოს მაქსიმალურად გამჭვირვალე, პარტიის ყველა აქტიურ წევრსა და მხარდამჭერს ქონდეს ყრილობაზე დელეგატად დასწრების შესაძლებლობა, იცოდნენ ყველაფერი, ვის, როდის და რა ფორმით მიმართონ ამისათვის, წინასწარ იცოდნენ, რა საკითხები გამოვა ყრილობაზე და მაქსიმალური ინფორმაცია მიიღონ განსხვავებული პოზიციების შესახებ. ჩვენი მიზანი არაა, რომ ვინმეს შევუქმნათ ხელოვნური ბარიერები და შევუზღუდოთ ყრილობაზე მონაწილეობა მათი პოზიციის გამო. სწორედ ასეთი მიდგომის წინააღმდეგ ვიბრძოდით ჩვენ და არ დავუშვებთ იმას, რომ ამ ყრილობაზე ხელოვნურად დაიბლოკონ ადამიანები, ვინც განსხვავებულად ფიქრობენ. პირიქით, ყველა აზრს უნდა მიეცეს გამოხატვის უფლება ამ ყრილობაზე, გამომსვლელების სია უნდა იყოს დაბალანსებული და ასახავდეს სწორედაც რომ განსხვავებულ ხედვებსა და მიდგომებს. განსაკუთრებით უნდა ვიზრუნოთ იმაზე, რომ ხმის მიცემის პროცედურები იყოს გამჭვირვალე, კარგად ორგანიზებული და არ ტოვებდეს არავითარი ეჭვის საფუძველს. ძალა ერთობაშია!"- აცხადებს თაქთაქიშვილი.