“ნაციონალური მოძრაობის“ ერთ-ერთი კუდერი დავით ბაქრაძე აცხადებს, რომ პარტიაში მისთვის არასდროს ყოფილა მნიშვნელოვანი სად და რა თანამდებობაზე იქნებოდა.

"ნებისმიერ გადაწყვეტილებას ჩემს მომავლთან დაკავშირებულს, მივიღებ მხოლოდ პარტიის ერთიანობის, გაძლიერების და საერთო ბრძოლაში წარმატების მისაღწევად"- თქვა ბაქრაძემ.

მისი თქმით. მთავარი განსახილველი იქნება ყრილობის ჩატარების ფორმატი იქნება.

"პოლიტსაბჭო არის პარტიის კანონიერი მართველობითი ორგანო, ამიტომ რა გადაწყვეტილებაც არ უნდა იქნას მიღებული უმრავლესობის მხრიდან, ეს იქნება სავალდებულო პირადად ჩემთვისაც და სხვა წევრებისთვისაც. განხილვა იქნება მშვიდი და საქმიანი, დარწმუნებული ვარ ამ განხილვის შედეგი მოემსახურება „ნაციონალური მოძრაობის“ გაძლიერებას იმ ბრძოლაში, რომელსაც ყველა ერთად ვაწარმოებთ ბიძინა ივანიშვილის წინააღმდეგ. რაც შეეხება ლიდერის თემას, ეს იქნება ერთ-ერთი განსახილველი თემა. ამ თემასთან დაკავშირებით ხშირად ხდება პირადად ჩემთან აპელირება, რა იქნება ჩემი პოზიცია თავმჯომარესთან დაკავშირებით. მთავარი, სადაც ჩემს თავს ამ პარტიაში ვხედავ არის ბრძოლა იდეისთვის და ბრძოლა უკეთესი საქართველოსთვის, რომელშიც ჩართულია პარტია, ამიტომ ნებისმირ გადაწყვეტილებას, რასაც მივიღებ, საფუძვლად ექნება პარტიის ერთიანობა, სიძლიერე და ჩვენ ბრძოლაში წარმატება“,- აღნიშნა ბაქრაძემ.