ევროპარლამენტში ტელეკომპანია „რუსთავი 2“-ზე მიმდინარე ზეწოლაზე საუბრობენ, სადაც საქართველოსთვის ვიზალიბერალიზაციის მინიჭების საკითხის განხილვა მიმდინარეობს. ევროპის სახალხო პარტიის ვიცე-პრეზიდენტი კი ერთ-ერთ ხელის შემშლელ ფაქტორად რუსთავი2-ის საქმეს ასახელებს.

„საქართველოს მხრიდან იყო დაპირება, რომ გაათავისუფლებდნენ პოლიტპატიმრებს, არ განხორციელდებოდა ზეწოლა საკონსტიტუციო სასამართლოზე და ქვეყანაში დარჩენილ ერთადერთ თავისუფალ ტელეარხ რუსთავი 2-ზე. მოქმედი მთავრობა აცხადებს, რომ ყველაფერი კარგადაა, მაგრამ ყველაფერი კარგად არ არის. მათი დაპირება, ჩემი აზრით ნაადრევი იყო, რადგან საქართველოში არანაირი მოტივაციაა პოლიტპატიმრები გაათვისუფლონ, პატივი სცენ საკონსტიტუციო სასამართლოს ავტონომიასა და დამოუკიდებლობას, მედია პლურალიზმს და პირდაპირ რომ ვთქვათ, თავი შეიკავონ რუსთავი 2-ის ხელში ჩაგდებისგან. რუსთავი 2-ის გარეშე საქართველოში დემოკრატია ეჭვქვეშ დგება,“-განაცხადა EPP-ის ვიცე-პრეზიდენტმა.