საქართველოს ფინანსთა მინისტრი დიმიტრი ქუმსიშვილი ონლაინ სესხების აკრძალვასთან დაკავშირებით გავრცელებულ ინფორმაციას ეხმაურება. ქუმსიშვილის განცხადებით, მიკროსაფინანსო ორგანიზაციების შემთხვევაში არსებული საპროცენტო განაკვეთის მოდელი შეიზღუდება:

„რა თქმა უნდა რეკლამის განთავსება ინტერნეტში მიკროსაფინანსო ორგანიზაციებს არ აეკრძალებათ, თუმცა, ის ბიზნესმოდელი, რომელიც დღეს მუშაობს, როდესაც საპროცენტო განაკვეთები არის უსაზღვროდ მაღალი, მასში არის გათვალისწინებული ძალიან მაღალი ალბათობა გამსესხებლის მხრიდან სესხის დაკარგვის, ასეთი მოდელი იქნება შეზღუდული“, - განაცხადა დიმიტრი ქუმსიშვილმა.

შეგახსენებთ, რომ დღეს საქართველოს პრემიერ-მინისტრმა მთავრობის სხდომაზე განაცხადა, რომ ონლაინ სესხები აიკრძალება.