2015 წლის 1-ელ იანვრამდე გაცემული იპოთეკური სესხების დედოლარიზაცია მოხდება

2015 წლის 1-ელ იანვრამდე გაცემული იპოთეკური სესხების დედოლარიზაცია მოხდება - პრემიერი ლარიზაციის გეგმაზე

პოლიტიკა - 16:34, 29 Nov, 2016

28734

საქართველოს პრემიერ-მინისტრის განცხადებით, ლარის სტაბილურობის მიმართულებით, მთავრობამ ეროვნულ ბანკთან ერთად ე.წ. ლარიზაციის გეგმა შეიმუშავა. დღეს გამართულ მთავრობის სხდომაზე პრემიერმა განაცხადა, რომ მოხდება 2015 წლის 1 იანვრამდე ფიზიკურ პირებზე უძრავი ქონებით უზრუნვეყოფილი, უცხოური ვალუტით გაცემული სესხების ლარში გადატანა:

„ამავე გეგმის მიხედვით, როგორც ერთჯერადი, სოციალური აქცია, მოხდება 2015 წლის 1 იანვრამდე ფიზიკურ პირებზე უძრავი ქონებით უზრუნვეყოფილი, უცხოური ვალუტით გაცემული სესხების ლარში გადატანა, არსებული კურსის მინუს 20 პუნქტის ოდენობით. მაგალითად, თუ კურსია 2,5 მოხდება ლარში კონვერტაცია კურსით 2,3. ამ სესხებზე გაუქმდება წინასწარ დაფარვის საკომისიო. ბანკები ვალდებული იქნებიან გადაწყვეტილების მიღებიდან 10 დღეში შეტყობინება გაუგზავნონ ყველა კლიენტს, ვისაც ეს გადაწყვტილება პოტენციურად შეეხება, რაც საგრძნობლად შეამცირებას ზეწოლას ლარის კურსზე. 400 მილიონი დოლარის ყიდვა აღარ მოუწევთ ადამიანებს, ვინც არსებული სესხის გამო ყიდულობდა დოლარს“,- განაცხადა კვირიკაშვილმა.