საქართველოს პრემიერ-მინისტრის განცხადებით აქციზის გადასახადი გაიზრდება იმპორტულ ავტომობილებზე, თუმცა ის რეგიონში არსებულ განაკვეთებზე რამდენჯერმე დაბალი იქნება. აღნიშნულ საკითხზე პრემიერმა დრევანდელი მთავრობის სხდომის ფარგლებში ისაუბრა:

„ნავთობპროდუქტების მოხმარება ავტომობილების რაოდენობის ზრდასთან ერთად მატულობს, რაც უარყოფითად აისახება ეკოლოგიურ მდგომარეობაზე. ართულებს დიდ ქალაქებში თავისუფლად გადაადგილების შესაძლებლობას, ამძიმებს მოსახლეობის, განსაკუთრებით კი ბავშვების ჯანმრთელობის მდგომარეობას. მიღებული გადაწყვეტილებები ხელს შეუწყობს ავტოპარკის თანამედროვე სტანდარტებით განახლებას და ჩვენი მოსახლეობის ჯანმრთელობის რისკების შემცირებას. ამ მხრივ საქართველოშიც მნიშვნელოვანი ნაბიჯები გადაიდგა. ჯერ განახევრდა, ახლა კი 60 პროცენტით მცირდება აქციზის გადასახადი ჰიბრიდული ავტომობილების იმპორტზე. ელექტრო მანქანების იმპორტი კი საერთოდ არ იბეგრება. ამასთან, საქართველოში წლიდან წლამდე შემცირების ნაცვლად იზრდება ავტომობილების რაოდენობა და შესაბისად ნავთობპროდუქტების მოხმარება და იმპორტი, დაგეგმილი ცვლილებები აუცილებლად აისახება იმპორტის მოცულობაზე. რამაც საბოლოდ დადებითი გავლენა უნდა იქონიოს ეროვნული ვალუტის სტაბილურობაზე, რაც ასევე ჩვენი მთავრობის ერთ-ერთი მთავარი საფიქრალი გახლავთ“, -აღნიშნა გიორგი კვირიკაშვილი.