თამბაქო ისევ გაძვირდება - უმრავლესობის დეპუტატი ფუფუნების საგნებზე აქციზის გაზრდას ითხოვს

პოლიტიკა - 14:35, 29 Nov, 2016

9293

საპარლამენტო უმრავლესობის წევრმა, ბექა ნაცვლიშვილმა განაცხადა, რომ არ აქვს მნიშვნელობა ლარის კურსს, ფუფუნების საგნებზე აქციზი უნდა გაიზარდოს.

ნაცვლიშვილი ეროვნული ვალუტის კურსის დასტაბილურებას წლის ბოლომდე ვარაუდობს, თუმცა თვლის, რომ ფუფუნების საგნებზე ფასების ზრდა ნორმალურია.

“ფუფუნების საგნებია ისეთი საგნები, რომელიც ქვეყენაში არ იწარმოება, მაგალითად თამბაქო, ამიტომ ვთვლი, რომ ასეთ საგნებზე აქციზის ზრდა ნორმალურია. მე არ მიმაჩნია სწორად ლარის კურსთან დაკავშირებით ,,აიპების” გაუქმება ან ხელფასების შემცირება. კურსზე გავლენა იმანაც იქონია, რომ არ იყო გარკვეული მთავრობის სიცხადე. ახლა უკვე ჩამოყალიბებულია ახალი მთავრობა და მისი პოლიტიკური და ეკონომიკური კურსი, ამიტომ მე ვვარაუდობ, რომ ეროვნული ვალუტა წლის ბოლომდე დასტაბილურდება”, – განაცხადა საპარლამენტო უმრავლესობის წევრმა, ბექა ნაცვლიშვილმა.

ცნობისათვის, გავრცელებული ინფორმაციით, მთავრობის გეგმის მიხედვით, ყოველ წელს ერთ კოლოფ სიგარეტზე აქციზის გადასახადი დაახლოებით 40 თეთრით უნდა გაიზარდოს, შესაბამისად, თამბაქოს პროდუქტი, 40-50 თეთრით გაძვირდება. აქედან გამომდინარე, ყველაზე იაფი სიგარეტის (სტანდარტული კოლოფის) ფასიც კი 2,5 ლარს გადააჭარბებს.