არასამთავრობო ორგანიზაციების წარმომადგენლებმა ბათუმში გვიან ღამით აჭარის უმაღლესი საბჭოს ყოფილი თავმჯდომარის საცხოვრებელ სახლთან აქცია მოაწყვეს. ისინი ავთანდილ ბერიძის კორპუსთან მდებარე სამთავრობო დაცვის ჯიხურის არსებობას აპროტესტებდნენ.

აქციის მონაწილეების განცხადებით, ავთანდილ ბერიძეს უკვე შეუწყდა უფლებამოსილება და დაცვის თანამშრომლები მის სახლთან უკანონოდ იმყოფებიან. ისინი აცხადებენ, რომ მას შემდეგ, რაც პროტესტის შესახებ ინფორმაცია გავრცელდა, დაცვის თანამშრომლები ეზოდან გაიყვანეს.