„კანონი ოკუპაციის შესახე“ - საქართველოს პარლამენტი კანონპროექტის განხილვას მომავალი კვირიდან დაუბრუნდება. დაგეგმილია გარკვეული ცვლილებები კანონში, რაც იმას გულისხმობს, რომ ოკუპირებულ ტერიტორიებზე საზღვრის უკანონო კვეთისას, თუ ეს პირველი შემთხვევა იქნება, სისხლის სამართლებრივი პასუხისმგებლობის ნაცვლად, ჯარიმა დაწესდება.

საპარლამენტო უმრავლესობის წევრი, გია ვოლსკი მიღებული გადაწყვეტილების მიზეზებზე საუბრობს. კანონში ცვლილებებს კატეგორიულად ეწინააღმდეგება „ნაციონალური მოძრაობა“:

„მაშინ, როდესაც რუსეთი აგრესიულ ნაბიჯებს აფხაზეთის და სამხრეთ ოსეთის ტერიტორიების ანექსიისკენ კიდევ უფრო ააქტიურებს, ამ დროს ხელისუფლება დგამს ნაბიჯებს, როდესაც პასუხისმგებლობას ოკუპირებულ ტერიტორიებზე უკანონო შეღწევის თვალსაზრისით ამსუბუქებს და, რა თქმა უნდა, ეს ნამდვილად არ შედის სახელმწიფოებრივ ინტერესებში,“ -აცხადებს ირაკლი აბესაძე.