,,ოკუპაციის შესახებ კანონი არ ხორიცელდება ისე, როგორც ჩაფიქრებული იყო"

,,ოკუპაციის შესახებ კანონი არ ხორიცელდება ისე, როგორც ჩაფიქრებული იყო" - გოჩა თევდორაძე

პოლიტიკა - 15:58, 28 Nov, 2016

1582

საქართველოს პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, საქართველომ საერთაშორისო ორგანიზაციების მხრიდან ძალიან ბევრი საყვედური და სანქციებიც კი მიიღო იმის გამო, რომ ოკუპაციის შესახებ კანონში ცვლილებების მიღება შეჩერდა.

„ნიუპოსტთან“ საუბრისას „პატრიოტთა ალიანსის“ წევრმა გოჩა თევდორაძემ აღნიშნა, რომ აღნიშნულ კანონში ცვლილებები საჭიროა, რადგან ეს კანონი უნდა ემსახურდებოდეს ჩვენი ტერიტორიული მთლიანობის აღდგენის საკითხს:

„შეიძლება ამ კანონში ცვლილებები შეტანილი იყოს, რადგან რეალურად ჩვენ ვხედავთ, რომ ამ კანონის მოქმედება არ ხორციელდება ისე როგორც ეს იყო ჩაფიქრებული. ეს კანონი უნდა ემსახურდებოდეს ჩვენი ტერიტორიული მთლიანობის აღდგენის საკითხს, მაგრამ ეს ასე არ ხდება დღეს. ეუთო-ს დელეგაცია როცა იყო, ნაწილი ამ დელეგაციის წარმომადგენლები აცხადებდნენ რომ რუსეთს დარღვეული ჰქონდა ეს კანონი, შერჩევით მოქმედებს ეს კანონი. სამაგიეროდ კანონი მოქმედებს იმ ქართველ ადამიანებზე, რომლებიც რუსეთში ცხოვრობენ და საქართველოს გვერდის ავლით შეცვლა უწევთ ოკუპირებულ ტერიტორიბზე საქართველოს საზღვრის გავლის გარეშე. მათ სურთ, რომ ხელშესახებ წარმატებას იქ მიაღწიონ, მაგრამ ეს პროცესი ვერ მიმდინარეობს ამ კანონის გამო.

ზუსტი რეცეპტი იმისა არ მაქვს, ადმინისტრაციული სახდელი უნდა შემოიფარგლოს მხოლოდ ის მუხლი რომელშიც კორექტივები შეაქვთ, მაგრამ გარკვეული ცვლილებები შესატანია. რუსეთის ხელისუფლება მოუწოდებდა მის მოსახლეობას თუ რა საფრთხეების შემცველი იყო ტურისტებისათვის საქართველოში მოგზაურობა ამ კანონთან მიმართებით. ეს კანონპროექტი იმდენად მოქნილი უნდა გავხადოთ, რომ ქვეყანამ ეკონომიკური სარგებელიც არ დაკარგოს და თან უკანსვლაც არ გვქონდეს ტერიტორიული მთლიანობის აღდგენის კუთხით“, - განაცხადა გოჩა თევდორაძემ.