ტელეკომპანია „რუსთავი 2“-ის გენერალურმა დირექტორმა დღეს გამართულ საგანგებო ბრიფინგზე იმ პირთა ვინაობა დაასახელა, რომლებიც მისი ინფორმაციით ტელეკომპანიის საქმის მოსამართლეებზე ზეწოლას ახორციელებენ. გვარამიას თქმით, ერთ-ერთი მათგანი საქართველოს მთავრობის საპარლამენტო მდივანი, შალვა თადუმაძეა. თავად თადუმაძე მის მიმართ გაჟღერებულ ბრალდებას უარყოფს:

„არცერთი მტკიცებულება „ნაციონალური მოძრაობის“ იმ წევრს, რომელმაც ჩემი გვარი გააჟღერა ამ მიმართულებით, არ წარმოუდგენია. აბსურდია ეს განცხადება, არასდროს არანაირ მოსამართლესთან არავითარი კომუნიკაცია არ მქონია. ჩემი ტანამდებობიდან გამომდინარე გამორიცხულია მე რომელიმე მოსამართლესტან მქონდეს რაიმე სახის კომუნიკაცია“, - აცხადებს შალვა თადუმაძე.