ევროკომისარი გაფართოებისა და სამეზობლო პოლიტიკის ურთიერთობის საკითხებში აცხადებს, რომ პარლამენტი და ევროპული საბჭო დროებითი შეჩერების მექანიზმზე შეთანხმებას შობამდე შეძლებენ. აღნიშნულის შესახებ იმედი ჰანმა ბრიუსელში, მოამბესთან საუბრისას გამოთქვა:

„მე ყოველთვის ოპტიმისტი ვარ. ვფიქრობ, რომ ძალიან ბევრს მივაღწიეთ. მაქვს ძალიან დიდი იმედი, რომ პარლამენტი და ევროპული საბჭო დროებითი შეჩერების მექანიზმზე შეთანხმებას შობამდე შეძლებს. როგორც უკვე არაერთხელ აღვნიშნეთ, დროებითი შეჩერების მექანიზმი წინაპირობაა ვიზალიბერალიზაციისთვის. შეთანხმების შემდეგ ტექნიკური მხარე დარჩება. შესაძლოა, პარლამენტში კენჭისყრა თებერვალში ან მარტში შედგეს. დაგვჭირდება დრო გადაწყვეტილების აღსასრულებლად და დოკუმენტების თარგმანი, რასაც დაახლოებით ერთი ან ორი თვე დასჭირდება“,- განაცხადა იოჰანეს ჰანმა.