ოკუპაციის კანონთან დაკავშირებით გადაწყვეტილება ჯერჯერობით მიღებული არ არის, ამის შესახებ განცხადებები საპარლამენტო უმრავლესობის რიგებში კეთდება:

"კანონის მიზანი არ გახლავთ მარტო რეპრესია და დასჯა. კანონის მიზანი და ზოგადად სისხლის სამართლის კანონის მიზანი, არის პრევენცია, გაფრთხილება იმ ადამიანებისა, რომლებმაც ერთხელ შესაძლებელია დაუშვან ასეთი გადაცდომა, ადმინისტრაციული წესით და დაედოთ მათ სახდელი. ასე, რომ ჩვენ არა არსებითად ვიმსჯელეთ ამ საკითხთან დაკავშირებით, არამედ მივიჩნიეთ, რომ აუცილებელია პარლამენტმა იმსჯელოს“, - აცხადებს კობა ნარჩემაშვილი.