"ვოცნებობ ახალ „კომბლეზე“, რომელსაც ზღაპრის დასაწყისში 200 ცხვრი ჰყავს, დასასრულს კი -220"- ჯეჯელავა

პოლიტიკა - 12:13, 28 Nov, 2016

8887

განათლების მინისტრის ალექსანდრე ჯეჯელავას შეფასებით საზოგადოებამ თავის გმირებს განვითარების თვალსაზრისით უნდა შეხედოს. ქართული ზღაპრის გმირებზე მინისტრის მოსაზრებასთან დაკავშირებით ატეხილ აჟიოტაჟს ჯეჯელავა „კვირის პალიტრასთან“ ინტერვიუში გამოეხმაურა:

„მე ვოცნებობ ახალ „კომბლეზე“, რომელსაც ზღაპრის დასაწყისში 200 ცხვრი ჰყავს, დასასრულს კი -220, მთელი დღე კომბლებს კი არ თლის, რამდენიმე კომბალი აქვს, შრომობს და ცხვარს უვლის, თუ მისი ცხვარი დაიკარგა კომბლით კი არ მოაგვარებს საკითხს, მგელი იქნება თუ ცხვარი, დაელაპარაკება- დაანებე აქ ჩემს ცხვარს თავი და თუ გშია , მოდი და გაჭმევო. ეს არის 21-ე საუკუნის მიდგომა . „კომბლე“ იქნება, „ნაცარქექია“ თუ „რწყილი და ჭიანჭველა“ განვითარება აუცილებელია და პრობლემის მიზეზიც უნდა დავინახოთ. საზოგადოებ წუხს, რომ მათი შვილები წიგნებს არ კითხულობენ. უკაცრავად , რომელიმე ზღაპრის გმირი კითხულობს წიგნებს, რომ ბავშვმაც იფიქროს, აი, ჩემი გმირი კითხულობს და მეც მივბაძავო. ან რომელი შრომობს მუხლჩაუხრელად? ჩვენ გვჭირდება ზღაპრის გმირი, რომელიც სახლს სხვას კი არ ართმევს, მიზანს საკუთარი შრომით აღწევს და თუ სხვას ხელის გამართვა დასჭირდება, უანგაროდ დაეხმარება. საზოგადოებამ თავისი გმირები, მათ შორის ლიტერატურული, იმ საჭიროებებთან უნდა დააკავშიროს რის წინაშეც დღეს ვდგავართ. დღეს განსხვავებული საჭიროებებია, ვიდრე ორასი და სამასი წლის წინ ერს ჰქონდა.“- განაცხადა ალექსანდრე ჯეჯელავამ.