მედია ექსპერტები რუსთავი 2-ის საქმესთან დაკავშრებით საუბრისას აცხადებენ, რომ ხელისუფლებას სურს, რაც შეიძლება მალე მოაგვაროს ტელეკომპანიის საკითხი. მათი აზრით, ხელისუფლება შეეცდება დიდ პალატას მისთვის სასარგებლო გადაწყვეტილება მიაღებინოს.

„ფაქტია, რომ მოსამართლეებზე ახდენენ ზეწოლას. მე არ ვიცი და თავს შევიკავებ კონკრეტული გვარების დასახელებისგან, მაგრამ მათი საერთო სახელი არის ბიძინა ივანიშვილი და ქართული ოცნება, რომელსაც ჯერ კიდევ ყელში ჰყავს გაჩხერილი რუსთავი 2. ყველაფერს გააკეთებენ და შეეცდებიან, რომ რაც შეიძლება სწრაფად მოიცილონ თავიდან რუსთავი 2. მგონია, რომ ისინი 2016 წელს ამ პრობლემისგან რაღაცნაირად გათავისუფლდებიან,“ - განაცხადა ნინია კაკაბაძემ.