საპარლამენტო უმცირესობა ლარის კურსის გაუფასურებასთან დაკავშირებით კომენტარებს აკეთებს. მათი თქმით არსებული სიტუაცია ხელისუფლების ეკონომიკური პოლიტიკის შედეგია და ეს მოსალოდნელიც იყო. ზურაბ ჭიაბერაშვილის განცხადებით, თუ ხელისუფლება არ შეამცირებს ბიუროკრატიულ ხარჯებს, ამან შესაძლოა კიდევ უფრო გააუარესოს ვითარება.

„სამწუხაროდ, ვერ დავინახეთ კონკრეტული გეგმა, როგორ შეიძლება ეშველოს ეკონომიკურ კრიზისს, რაც ქვეყანაშია. ჩვენ ველოდებით, რომ მთავრობა შემოიტანს ბიუჯეტის განახლებულ ვერსიას და ის იქნება მკაფიო სურათი,“ - განაცხადა ზურაბ ჭიაბერაშვილმა.