„ჩემი აზრით ახალ არჩეულ დეპუტატებს პარლამენტში შესვლის წინ პატარა "თრენინგი" რომ ჩაუტარონ ხოლმე "დრეს კოდის" ანუ ჩაცმულობის შესახებ ცუდი არ იქნება“ - წერს ხელოვანი პაატა ქურდაძე სოციალურ ქსელში.
პაატა ქურდაძე: „ზოგიერთი მათგანი მაგალითად გაიგებდა, რომ ღრმა ამერიკელი ფერმერის კლასიკური სტილი "კლეჩატი ბატენის საროჩკა" და შიგნით შავი მაისური სულ არ შეეფერება პარლამენტარის სტატუსს, რომ საერთოდ მაისური (თეთრიც) საცვალია და მისი გამოჩენა ოფიციალურ ღონისძიებებზე პერანგის შიგნით - ძალიან ბოდიში , მაგრამ მაგარი გოიმობაა - გასულ წელს პრეზიდენტის სასახლეში ფრანსუა ჰოლანდთან გამართულ საზეიმო სადილზეც კი მოვკარი თვალი რამდენიმე ასეთს...
საერთოდ პარლამენტი არ არის პროფილაქტიკა, ან შენი კერძო კანტორა... ასეთ ადგილებში კულტურული ადამიანები ჟილეტებით და ქურთუკებით არ დადიან, ჰალსტუკსაც იკეთებენ. გუშინ მეორე საპარლამენტო სამუშაო დღეს - რამდენიმეს ისე ეცვა, მგონი ზაფხულამდე საბოლოოდ "განკომპლექსდებიან" და შორტებით ივლიან უმაღლეს საკანონმდებლო ორგანოში.
ზრდილობის ბაზობრივი წესების სწავლაც არ აწყენდათ , მაგრამ ეს გაცილებით რთულია - არც ისე ადვილი საქმეა აუხსნა ზოგიერთს რომ ზრდილობა არ არის მხოლოდ თქვენობით ლაპარაკი და ბატონო- ქალბატონოთი მიმართვის ფორმა.“
მასალის გამოყენების პირობები






