„ერთიანი ნაციონალური მოძრაობის“ წარმომადგენელი, ოთო კახიძე დღეს პარლამენტში მიმდინარე რიგგარეშე სხდომას აფასებს, რომლის ფარგლებშიც უნდა გაირკვეს მთავრობისთვის ნდობის გამოცხადების საკითხი. კახიძე სხდომას „ანეკდოტურ სიტუაციას“ უწოდებს:

„ჩვენ ვერ მოვისმინეთ პასუხები კითხვებზე, შესაბამისად ჩვენ აქცენტს გავაკეთებთ შეფასებებზე, რომელიც გაკეთდება გამოსვლების შემდგომ. რაც შეეხება დღევანდელ მოსმენას, დარბაზში სუფევს სრულიად საზეიმო განწყობა, ერთმანეთს ულოცავენ რა კარგად მიდის ქვეყანაში საქმე. პრემიერ-მინისტრმა სრულიად სერიოზულად უპასუხა კითხვაზე, მომავალ წელს დაიწყება მილიარდობით დოლარის შემოსვლა და რა უნდა ვუყოთ ლარის გამყარებას. იმდენად გამყარდება, რომ სადღაც უნდა შევაკაოთ. ასეთი ანეკდოტური სურათიც კი მივიღეთ. აბსოლუტურად ვერ უსწორებენ თვალს რეალობას. ვერ ასახავენ ვერც ერთ პრობლემას, შესაბამისად, პრობლემებს თუ არ აღიარებ და არ დააფიქსირებ, ბუნებრივია, მისი გადაჭრის ვერანაირ გზებსაც ვერ მონახავ“, - განაცხადა ოთო კახიძემ.