ერთიანი ნაციონალური მოძრაობა“ სანდო წყაროზე დაყრდნობით ავრცელებს ინფორმაცაის იმის შესახებ, რომ სასამართლომ „რუსთავი 2“-ის საქმეზე 30 ნოემბრამდე ხელისუფლების ზეწოლით დაჩქარებული წესით უნდა მიიღოს გადაწყვეტილება. ამის შესახებ კომენტარი ნიკა მელიამ პარლამენტის სხდომათა დარბაზში გააკეთა. გიორგი კვირიკაშვილმა ნიკა მელიას სიცრუეში დასდო ბრალი. კვირიკაშვილის განცხადებას ნიკა მელიას პასუხიც მოჰყვა:

„ბატონო გიორგი თქვენ ძალიან გიკვირთ, რომ თან გაკრიტიკებთ, თან კითხვას გისვამთ. ეს არის დემოკრატიის არსი, თან აკრიტიკებენ, თან ეკითხებიან. რა გინდათ, დითირამბები გიმღეროთ და მერე დაგისვათ კითხვა? გეთანხმებით, კითხვა არ უნდა იყოს შეურაცხმყოფელი. სიტყვა ნომინალური, დარწმუნებული ვარ კარგად იცით დეფინიცია, არანაირად არ არის შეურაცხმყოფელი, სადინა გაიგეთ ბატონო გიორგი, მოიკითხეთ, დაურეკეთ ბატონ ფარცხალაძეს? მე მხოლოდ ორი გვარი არ დავასახელე. თქვენ ამბობთ, რომ ჩვენ ვიმართებით საიდანღაც? ჩამოყალიბდით ვიმართებით თუ არ ვიმართებით, ურთიერთგამომრიცხავი განცხადებები კეთდება. უხერხულია თქვენგან ამ ყველაფერზე საუბარი, როდესაც ყველა გამოსვლას იწყებთ და ამთავრებთ, მადლობა ბატონ ბიძინას“, - მიმართა ნიკა მელიამ გიორგი კვირიკაშვილს.