ერთიანი ნაციონალური მოძრაობა“ სანდო წყაროზე დაყრდნობით ავრცელებს ინფორმაცაის იმის შესახებ, რომ სასამართლომ „რუსთავი 2“-ის საქმეზე 30 ნოემბრამდე ხელისუფლების ზეწოლით დაჩქარებული წესით უნდა მიიღოს გადაწყვეტილება. ამის შესახებ კომენტარი ნიკა მელიამ პარლამენტის სხდომათა დარბაზში გააკეთა.

მელიას გიორგი კვირიკაშვილმა უოასუხა და მას სიცრუეში დასდო ბრალი:

„რა თქმა უნდა ეს ინფორმაცია, რაც თქვენ თქვით და ბრალი დასდეთ მინისტრს, მთავრობის ადმინისტრაციის იურიდიული სამსახურის უფროსს, არის აბსოლუტური სიცრუე, არავითარი ზეწოლა მათი მხრიდან არ ხორციელდება, თუ რაიმე ასეთს აქვს ადგილი, მე მოვუწოდებ ყველას, რომ განაცხადოს, მსგავსი რამ თუ ხდება, მაგრამ დარწმუნებული ვარ, ჩვენი გუნდის წევრების სისუფთავეში ამ მიმართულებით.

თქვენი სტილი, არის ყველანაირი ეთიკის წრიდან გასული, ორი დღეა ვაკვირდები თქვენს სტილს, რომელიც არანაირ პოლიტიკურ ჩარჩოებში არ ჯდება და ვინ არის ნომინალური და საიდან იმაერთება დღეს „ნაციონალური მოძრაობა“, სწორედ ეს არის ჩემთვის კითხვის საგანი. როგორ მოიქცეოდა თქვენი აზრით არანომინალური პრემიერ-მინისტრი საინტერესოა, ალბათ ამის მაგალითები წარსულში არა ერთი გვქონია, სპეცდანიშნულების რაზმებისთვის დავალებების მიცემა, მოსამართლეებთან დარეკვა, როგორ მართავდა იუსტიციის მინისტრი მთლიანად სასამართლო პროცესებს, თქვენ თუ ამის მოთხოვნა გაქვთ დღეს, მინდა რომ გაგაწბილოთ, არ იქნება ეს საქართველოში და ამას ვერავინ ვეღარ ნახავს. მადლობა ღმერთს, რომ ასეთი პრაქტიკა აღარ არის საქართველოში“, - განაცხადა გიორგი კვირიკაშვილმა.