თავდაცვისა და უშიშროების კომიტეტის თავმჯდომარე ირაკლი სესიაშვილი ჟურნალისტებთან საუბრისას აცხადებს, რომ თითოეულმა ჟურნალისტმა იცის, რომ ამ ქვეყანაში მედია თავისუფალია:

„ამ მიკროფონების უკან დგას რამდენიმე ათეული კამერა. მე ვფიქრობ, ეს არის ყველაზე სწორი გამოხატულება იმისა, ქვეყანაში ხელისუფლებას რა დამოკიდებულება აქვს მედიის მიმართ. თითოეულმა ჟურნალისტმა იცით, რომ ამ ქვეყანაში მედია თავისუფალია", - აღნიშნა სესიაშვილმა.

მისი თქმით,ტელეკომპანია "რუსტავი 2"-ის საკითხი ამ მოცემულობიდან მისთვის უცნობია

„რუსთავი 2“-ის საკითხი ჩემთვის ამ მოცემულობიდან გამომდინარე აბსოლუტურად უცნობია. უცნობია იმ ნაწილში, თუ რა სასამართლო პროცესი მიმდინარეობს და რა შედეგი შეიძლება დადგეს. ის ეჭვები და ის ვარაუდები, რაც „რუსთავი 2“-ს „ნაციონალურ მოძრაობას“ ერთობლიობაში აქვს, იმიტომ, რომ, ჩემი აზრით, ეს არის ერთი ორგანიზმი, ერთი პოლიტიკური ინტერესების მატარებელი, ეს არის უფრო მეტად მათი ინტერესი და არა საკითხი, რომ ეს არის მედიის თავისუფებასთან დაკავშირებული. რა თქმა უნდა, ჩვენთვის, ერთი მხრივ, მნიშვნელოვანია მედიის თავისუფლება, თუმცა, მეორე მხრივ, თუ ვინმეს საკუთრებასთან მიმართებაში თავისი უფლებების დაცვა სჭირდება, ეს მეორე საკითხია. მე მაინც მოგიწოდებთ ყველას, გავმიჯნოთ ეს ორი საკითხი ერთმანეთისგან. ეჭვები და ვარაუდები, რა თქმა უნდა, საერთო ჯამში ქვეყანას აზიანებს. მთავარი ლაკმუსის ქაღალდი კი არის თქვენი საქმიანობა და ის რამდენიმე ათეული კამერა, რომელიც ჩემს წინ დგას“, -განაცხადა სესიაშვილმა ჟურნალისტებს.