საქართველოს პრემიერ-მინისტრობის კანდიდატმა გიორგი კვირიკაშილმა დეპუტატებს სამტავრობო გეგმა გააცნო. რომლის ფარგლებშიც მან რამდენიმე აქტუალურ თემაზე ისაუბრა. კვირიკაშვილის განცხადებით, რუსეთთან მიმართებით დეესკალაციის პოლიტიკა გრძელდება:

„გრძელდება დეესკალაციის პოლიტიკა რუსეთთან მიმართებაში. არანაირი კომპრომისი არ იქნება ტერიტორიული მთლიანობისა და სუვერენიტეტის ასპექტში, მაგრამ ჩვენი მიზანია, რომ ფეხდაფეხ გავაუმჯობესოთ სავაჭრო ურთიერთობები, ნეიტრალიზება მოვახდინოთ იმ რისკების, რომელიც არსებობს რეგიონში და შევქმნათ საკმარისი სტაბილურობა იმისთვის, რომ გრძელვადიანი სტაბილური ეკონომიკური განვითარება შესაძლებელი გახდეს. დეოკუპაციის და არაღიარების პოლიტიკა მთავარ ქვაკუთხედად რჩება“, - განაცხადა გიორგი კვირიკაშვილმა.