საქართველოს პრემიერ-მინისტრობის კანდიდატის განცხადებას იმასთან დაკავშირებით, რომ იგი ტელეკომპანია „რუსთავი 2“-ის საქმეს არ იცნობს, ენმ-ს წევრი სერგი კაპანაძე ეხმაურება და აცხადებს, რომ პრემიერის ეს განცხადება სასაცილოა:

„პრემიერმა გუშინ ბრძანა, რომ ის არ იცნობს რუსთავი2-ის საქმეს, რაც არის აღმაშფოთებელი, რადგან ყველამ გაიგო, რაც ხდება რუსთავი2-ის გარშემო. ეს არის პოლიტიკური დაკვეთა და ის სამართლებრივი პრეცედენტი, რომელიც დამკვიდრდება, თუ რუსთავი2-ის მფლობელი შეიცვლება, იქნება დამღუპველი საქართველოს ეკონომიკისათვის. როდესაც ამაზე პრემიერი ამბობს, რომ ის არ იცნობს საქმეს, უბრალოდ სასაცილოა,“ - აცხადებს სერგი კაპანაძე.