საქართველოს მესამე პრეზიდენტი და ოდესის ყოფილი გუბერნატორი, რომელიც ამ დროისათვის უკრაინის ახლდაჩამოყალიბებული ოპოზიციური პარტიის ლიდერია, მხარდამჭერებს სოციალური ქსელის მეშვეობით მიმართავს. მიხეილ სააკაშვილმა კომენტარი გააკეთა უკრაინის ხელისუფლებაზე:

„უკრაინას ძლიერი ხელი სჭირდება, ამაზე ორი აზრი არ არსებობს, ამას მე გავაკეთებ, ეს ერტხელ მე უკვე გავაკეთე. ძალიან შეზღუდული შესაძლებლობით, ჩვენ ბევრი რაღაცის გაკეთება შევძელით უკრაინაში, თუ ორგანიზებას შევძლებ, ეს წარმოუდგენელი არ არის, უკრაინის ხელისუფლება არის ძალიან სუსტი, სიტუაცია არის ისეთი რომ პალატაში არის სრული ქაოსი, ლეგიტიმურად თუ არ შევცვლით ხელისუფლებას, ისინი იმოქმედებენ გარკვეული კუთხით, ხალხი აპლოდისმენტებს აჩუქებს, შემდეგ კი დაისადგურებს კვლავ ქაოსი ქვეყანაში. ჩვენ გვაქვს ჩვენი ინტერესები, თუ უკრაინა გაატარებს შესაბამის რეფორმებს, უკრაინა გაცილებით უკეთეს სიტუაციაში იქნება“, - განაცხადა მიხეილ სააკაშვილმა.

სააკაშვილმა პასუხი გასცა მხარდამჭერის კითხვას: „რატომ მიატოვეთ ოდესა?“

„მე არ მიმიტოვებია ოდესა, ჩვენ კვლავ დავბრუნდებით ოდესაში. ოდესაში ბევრი დაუსრულებელი საქმე დარჩა. ოდესა უნდა გათავისუფლდეს ადგილობრივი კლანებისგან“, - აღნიშნა სააკაშილმა.