„მერიის ცხელი ხაზი აფეთქებულია, ხალხი უკმაყოფილოა, სოციალურად დაუცველთა შევიწროებას აპირებენ“

„მერიის ცხელი ხაზი აფეთქებულია, ხალხი უკმაყოფილოა, სოციალურად დაუცველთა შევიწროებას აპირებენ“ - უგრეხელიძე

პოლიტიკა - 16:14, 25 Nov, 2016

5458

„ერთიანი ნაციონალური მოძრაობის“ წევრი სევდია უგრეხელიძე ჯაბა სამუშიას განცხადებას ეხმაურება, როგორც უგრეხელიძე „ნიუპოსტთან“ საუბრისას აცხადებს, ხელისუფლება დანახარჯების შემცირებისთვის სოციალურად დაუცველთა შევიწროებას გეგმავს:
„ჩვენს მთავრობას იმედი აქვს, რომ მოსახლეობა არ დახარჯავს იმაზე მეტ ელექტროენერგიას რაც ფაქტობრივი დანახარჯის მიხედვით აქვთ, წესი, რომლის მიხედვითაც უნდა აუნაზღაურონ ელექტოენერგია სულადობის მიხედვით. საგულისხმოა ერთი რამ, ესენი ვერ შეზღუდავენ მას გამათბობელი აქვს ჩართული თუ სხვა რამ, სწორედ ეს არ აქვთ მათ განსაზღვრული.
ბიუჯეტი რეალურად არ არის გათვლილი და აპირებენ მოსახლეობის შევიწროებას, მე ვერ ვიტყვი რა გზით, მაგრამ ფაქტია, რომ თუ დანახარჯის მიხედვით აპირებენ ე.ი უზღუდავენ დანახარჯის ოდენობას, რაღაც გარკვეულ წესს უწესებენ, ეს არ არის წესში გაწერილი მაგრამ, რეალურად ასე გამოდის არითმეტიკის ამბავია.
ჩვენთან შედარებით არის შეზღუდული, შემცირებული და ბლოკირებული ბევრი რამ, ეს ყველაფერი გამოჩნდება ნოემბერში. ფაქტი ერთია, მერიის ცხელი ხაზი აფეთქებულია, ხალხი რეკავს, უკმაყოფილოა გვაკითხავენ ჩვენ, რომ არ ეფარებათ ის დანახარჯი, არ ყოფნით. ჩვენ დროს ენახებოდათ როცა ვურიცხავდით, ახლა არ რჩებათ და მერია ართმევს“- განაცხადა სევდია უგრეხელიძემ „ნიუპოსტთან“ საუბრისას.

შეგახსენებთ, რომ თბილისის მუნიციპალიტეტის საკრებულოს ქონების მართვისა და საფინანსო საბიუჯეტო კომისიის თავმჯდომარის ჯაბა სამუშიას განცხადებით, „ნაციონალურ მოძრაობას“ შეცდომაში შეჰყავს ხალხი, რომ თითქოს კომუნალურ ვაუჩერთან დაკავშირებით ცვლილება იქნება.