საქართველოს პრემიერ-მინისტრის მოვალეობის შემსრულებელი გიორგი კვირიკაშვილი საპარლამენტო უმცირესობის წარმომადგენლებს მთავრობის 4 წლიან გეგმას აცნობს. შეხვედრის ფარგლებში კვირიკაშვილმა ტელეკომპანია „რუსთავი 2“-ის საქმეზე კომენტარი გააკეთა. პრემერის თქმით, მედიის თავისუფლება არის ის ქვაკუთხედი, რომელსაც ხელისუფლების პოლიტიკა ემყარება:

„მე არაერთხელ მითქვამს და ახლაც კიდევ ერთხელ გავიმეორებ - მედიის თავისუფლება არის ის ქვაკუთხედი, რომელსაც ემყარება ჩვენი ხელისუფლების პოლიტიკა.

ამ საკითხს გააჩნია ორი განზომილება, ეს არის საკუთრების და მედიის თავისუფლების განზომილება. მე ვისურვებდი, რომ ორივე ნაწილში სახელმწიფო იყოს პირნათელი და დარწმუნებული ვარ, რომ ეს ასე იქნება“,- განაცხადა პრემიერ-მინისტრობის კანდიდატმა.