საქართველოს განათლებისა და მეცნიერების მინისტრის მოვალეობის შემსრულებელი ალექსანდრე ჯეჯელავა მის უწყებაში დაგეგმილ ცვლილებებზე საუბრობს. ჯეჯელავას განცხადებით, განათლების სისტემა საერთაშორისო სტანდარტების დანერგვაზე იქნება ორიენტირებული:

„პირველი პრიორიტეტი იქნება განათლება, როგორც უმაღლესი, ასევე სასკოლო, სკოლამდელი, პროფესიული და ასევე მეცნიერება. უახლოეს პერიოდში დაგეგმილია ძალიან მნიშვნელოვანი ნაბიჯები. მოკლედ რომ ვთქვათ, ძირიტადად ეს შეეხება საერთაშორისო სტანდარტების დანერგვას, საერთაშორისო პრაქტიკაზე გადასვლას, ტექნოლოგიების გაძლიერებას“, - განაცხადა ალექსანდრე ჯეჯელავამ.