კვირიკაშვილმა ”საქართველოს პატრიოტებს” მთავრობის რეფორმების ოთხპუნქტიანი გეგმა გააცნო

პოლიტიკა - 13:10, 25 Nov, 2016

1650

პრემიერ-მინისტრობის კანდიდატმა გიორგი კვირიკაშვილმა პარლამენტში, ფრაქცია ”საქართველოს პატრიოტებს” საქართველოს მთავრობის რეფორმების ოთპუნქტიანი გეგმა გააცნო.
"მინდა, წარმოგიდგინოთ ის ძირითადი მიმართულებები, რომლებიც განსაზღრავს ჩვენი ქვეყნის მომავალი 4 წლის განვითარების გეგმების ძირითად მიმართულებებს“, - განაცხადა გიორგი კვირიკაშვილმა.

მან გასული 4 წელი მიმოიხილა და აღნიშნა, რომ მთავრობა ძირითადად ფოკუსირებული იყო ადამიანის ძირითადი უფლებების და თავისუფლების უზრუნველყოფის მიმართულებით.

„მათ შორის ეკონომიკური პოლიტიკაც წარიმართა იმგვარად, რომ დაცული ყოფილიყო ძირითადი სოციალური უფლებები და ეკონომიკური ზრდა ყოფილიყო დაბალანსებული ადამიანების ძირითადი საბაზისო უფლებების უზრუნველყოფით, როგორც არის ჯანდაცვა და სოციალური უზრუნველყოფა. სამომავლოდ ჩვენი ქვეყნის სწრაფი განვითარების დღის წესრიგი განსაზღვარვს ახალ ამოცანებს და ამ ამოცანებიდან გამომდინარე შედგა 4-პუნქტიანი რეფორმათა გეგმა, რომელიც პასუხობს დღევანდელობის გამოწვევებს, რომელიც პასუხობს სწრაფ ეკონომიკური ზრდის მოთხოვნებს. რა თქმა უნდა, ამ შემდგომი ოთხი წლის განმავლობაშიც ეკონომიკური ზრდის დაბალანსებას შევეცდებით სოციალური საჭიროებების უზრუნველყოფის მიმართულებით. 4-პუნქტიანი გეგმა განსაზღვარს უპირველეს ყოვლისა განათლების მიმართულებას, როგორც ქვეყნის უპირველეს პრიორიტეტს“, -განაცხადა გიორგი კვირიკაშვილმა.

პრემიერის მოვალეობის შემსრულებელის განცხადებით, განათლების მიმართულებით საინტერესო რეფორმის გატარებაა დაგეგმილი. პრემიერ-მინისტრის მოვალეობის შემსრულებლის თქმით, მთავრობის წევრებმა განათლების მიმართულებით დუალური განათლების მოდელი აიღეს, რომელიც გულისხმობს სამუშაო ადგილზე სწავლების მოდელს, სადაც გათვალისწინებულია პარტნიორობა საჯარო და კერძო სექტორებს შორის.

„უპირველეს ყოვლისა, უმაღლესი განათლების მიმართულებით ჩვენ ვგეგმავთ სახელმწიფო რესურსების განაწილებას იმ ძირითად მიმართულებებზე, რომლებზეც დღეს შეინიშნება მზარდი მოთხოვნ, ამავე დროს მომავალ წლებში იქნება მზარდი მოთხოვნა ქვეყნის ეკონომიკაში. რა თქმა უნდა, ეს არ გულისხმობს საბუნებისმეტყველო და ზუსტი მეცნიერებების მიმართულებით რესურსების გაუნაწილებლობაზე იმ მიმართულებებზე, რომელიც აუცილებელია და, რომლითაც ჩვენი ქვეყანა ყოველთვის გამოირჩეოდა, აუცილებად იქნება ყურადღება დათმობილი. ჩემი პრაქტიკის განმავლობაში შემხვედრია უამრავი ბიზნესმენი, რომელიც ამგვარი განათლების სისტემის და ამგვარი პარტნიორობის არარსებობის გამო, საკუთარი რესურსით აგზავნის თანამშრომლებს უცხოეთის ქვეყნებში, რათა მიიღონ ის აუცილებელი უნარ-ჩვენები, რომელიც საქართველოს ეკონომიკაში დღეს არის მოთხოვნადი“, - აღნიშნა კვირიკაშვილმა.