"2012 წლამდე, არც ერთ დოკუმენტში, ორგანიზაციაში კონფლიქტთან დაკავშირებით გადაწყვეტილება მიღებული არ არის"- ჯანელიძის სკანდალური განცხადება

პოლიტიკა - 18:40, 24 Nov, 2016

2122

მას შემდეგ, რაც ოპოზიცია კომიტეტების გაერთიანებულ სხდომაზე დაინტერესდა, „ქართული ოცნების“ ხელისუფლების პირობებში რომელიმე პარლამენტის რეზოლუციაში ან საერთაშორისო დოკუმენტში თუ დაფიქსირდა საქართველოს ტერიტორიების, როგორც ოკუპირებულის სტატუსი დამატებით, გარდა ევროპარლამენტის, აშშ-ს კონგრესის, ევროპის საბჭოს საპარლამენტო ასამბლეის, პოლონეთისა და ესტონეთი პარლამენტებისა, რომელთა მიღებულ დოკუმენტებშიც ეს სტატუსი 2012 წლამდეც დაფიქსირდა.
განცხადების გაკეთება საგარეო საქმეთა მინისტრობის კანდიდატს მიხეილ ჯანელიძეს მოუწია.
"2012 წლამდე, არც ერთ დოკუმენტში, არც ერთ ორგანიზაციაში არანაირი გადაწყვეტილება მიღებული არ არის კონფლიქტთან დაკავშირებით. არც ერთ საერთაშორისო ორგანიზაციებში, ისეთებში, რომელიც მუშაობს კონფლიქტების საკითხებზე, 2012 წლამდე არც ერთი გადაწყვეტილება არ ყოფილა მიღებული“, - განაცხადა ჯანელიძემ ოპოზიციის საპასუხოდ"- თქვა ჯანელიძემ დეპუტატ სალომე სამადაშვილის შესაბამისი კითხვის საპასუხოდ.
რასაც სხდომაზე კამათი მოჰყვა გიგა ბოკრერიამ და სამადაშვილმა მინისტრობის კანდიდატს, ევროპარლამენტის, ევროპის საბჭოს საპარლამენტო ასამბლეის მიერ მიღებული დოკუმენტები შეახსენეს.

„იყო ევროპის პარლამენტი, კონგრესი, პოლონეთი და კიდევ რამდენიმე ქვეყანა, მაგრამ არც ერთ საერთაშორისო ორგანიზაციას არ მიუღია გადაწყვეტილება 2012 წლამდე... ძალიან სამწუხაროა, რომ თქვენ გაღიზიანდით იმ გადაწყვეტილებებზე, რომელიც 2016 წელს იქნა მიღებული საერთაშორისო ორგანიზაციების ფარგლებში. თუ ოპოზიცია დაგვეხმარება კიდევ დამატებითი შედეგების მიღწევაში და ხელს არ შეგვიშლის, მისასალმებელი იქნება. ჩვენ აქტიურად ვმოქმედებთ და 2016 წელს მივიღეთ ის შედეგები, რომელიც არასდროს არ მიუღია საქართველოს ამ მიმართულებით“, - განაცხადა მიხეილ ჯანელიძემ.