„სანამ მინისტრად დაინიშნებოდით, სემინარი უნდა გაგევლოთ"- სალომე სამადაშვილი მიხეილ ჯანელიძეს

პოლიტიკა - 18:34, 24 Nov, 2016

3937

საგარეო ურთიერთობათა, დიასპორისა და კავკასიის საკითხთა და ევროპასთან ინტეგრაციის კომიტეტების გაერთიანებულ სხდომაზე საგარეო საქმეთა მინისტრობის კანდიდატ მიხეილ ჯანელიძეს „ერთიანი ნაციონალური მოძრაობის“ წევრმა სალომე სამადაშვილმა მიმართა: „სანამ მინისტრად დაინიშნებოდით, რამე სემინარი უნდა გაგევლოთ იმის შესახებ, რა არის საერთაშორისო ორგანიზაციები”.

სამადაშვილი დაინტერესდა „ქართული ოცნების“ ხელისუფლების პირობებში რომელიმე პარლამენტის რეზოლუციაში ან საერთაშორისო დოკუმენტში თუ დაფიქსირდა საქართველოს ტერიტორიების, როგორც ოკუპირებულის სტატუსი დამატებით, გარდა ევროპარლამენტის, აშშ-ს კონგრესის, ევროპის საბჭოს საპარლამენტო ასამბლეის, პოლონეთისა და ესტონეთი პარლამენტებისა, რომელთა მიღებულ დოკუმენტებშიც ეს სტატუსი 2012 წლამდეც დაფიქსირდა.

გიგა ბოკერია კი დაიმტერესდა ხომ არ იზიარებს მიხეილ ჯანელიძე სალომე ზურაბიშვილის აზრს, რომ ოკუპანტის სტატუსი რუსეთისთვის საქართველოს მოლაპარაკებებში ზღუდავს.

„2012 წლამდე, არც ერთ დოკუმენტში, არც ერთ ორგანიზაციაში არანაირი გადაწყვეტილება მიღებული არ არის კონფლიქტთან დაკავშირებით. არც ერთ საერთაშორისო ორგანიზაციებში, ისეთებში, რომელიც მუშაობს კონფლიქტების საკითხებზე, 2012 წლამდე არც ერთი გადაწყვეტილება არ ყოფილა მიღებული“, - განაცხადა ჯანელიძემ ოპოზიციის საპასუხოდ.