ცოტნე გამსახურდია მთავარი პროკურატურის გადაწყვეტილებას მისი საქმის გადახედვასთან დაკავშირებით ეხმაურება და აცხადებს, რომ ცუდია, ყველაფრის ხელახლა გამოძიებას 4 წელი რომ დასჭირდა:

„გაირკვა ის, რის დამტკიცებასაც მე წლების განმავლობაში უშედეგოდ ვცდილობდი. მადლობის მეტი არაფერი მეთქმის. მე სხვა ბრალდებებით 15 წელი მქონდა მოსჯილი და სააკაშვილის დროს კიდევ ორი საქმე თაროზე იყო შემოდებული, ფაქტობრივად სამუდამო მქონდა. მაგრამ ამ საქმეებზე მე ბრალი პროკურატურამ 2013 წელს მომიხსნა. ასევე, ჩემს მიმართ წამებისა და არაადამიანური მოპყრობაზე განცხადებას პროკურატურა უკვე რამდენიმე წელია განიხილავს და იმედია, რომ დანარჩენ ეპიზოდებზეც შესაბამისი შედეგი დადგება“, -განაცხადა გამსახურდიამ.