საქართველოს შინაგან საქმეთა მინისტრის მოვალეობის შემსრულებელმა გიორგი მღებრიშვილმა დღეს გიგა ოთხოზორიას მკვლელობის საქმეზე კომენტარი გააკეთა და განაცხადა, რომ მკვლელზე ინტერპოლი წითელი ცირკულარით ძებნას უახლოეს მომავალში დაიწყებს. მისივე თქმით, ინციდენტების პრევენციის და მათზე რეაგირების მექანიზმის ფარგლებშიც მიმდინარეობს მოლაპარაკებები.

”ეს ტერიტორია რომ უკონტროლოა, ახალი არ არის თქვენთვის. მიმდინარეობს ამ მიმართულებით პროცედურები და შედეგებს დაველოდოთ”, - მიმართა მღებრიშვილმა დეპუტატებს.

შს მინისტრის მოვალეობის შემსრულებელმა კომენტარი გააკეთა გივი თარგამაძის ავტომობილის აფეთქების ფაქტზეც:

”დადგენილია პირები, რომლებიც მიცემულნი არიან პასუხისგებაში. ერთ-ერთი მათგანი არის დაკავებული, ერთზე გამოცხადებულია ძებნა. მას არ უფიქსირდება საზღვის კვეთა და შესაბამისად, მიმდინარეობს პროცედურები. უახლოეს პერიოდში მასზე ინტერპოლსაც მიეწოდება შესაბამისი ინფორმაცია”, - აღნიშნა მინისტრობის კანდიდატმა