საქართველოს თავდაცვის მინისტრი მის უწყებაში დაგეგმილ სამუშაოებზე საუბრობს. იზორიას განცხადებით გენშტაბში დაგეგმილია რეორგანიზაცია, ასევე იგეგმება გარკვეული ცვლილებები თავდაცვის სამინისტროში იმისათვის, რომ საქართველოს თავდაცვისუნარიანობა ამაღლდეს.

„გუშინწინ გენშტაბის ახალი უფროსი დაინიშნა, შესაბამისად გარკვეული რეორგანიზაციები იგეგემება თავად გენშტაბში. ასევე ჩვენ ვგეგმავთ სერიოზულ ოპტიმიზაციას თავდაცვის სამინისტროს ფარგლებში, რათა მოხდეს გარკვეული თანხმების მობილიზება იმისთვის, რომ ჩვენი საბრძოლო მზადყოფნა იყოს უფრო მაღალი, უფრო მეტი თანხები ჩაიდება ინფრასტრუქტურაში, აღჭურვილობის შეძენაში, რათა ის კრიტერიუმები რომლებიც ეხება, ასევე წვრთნების კომპონენტს, იყოს მაქსიმალურად უზრუნველყოფილი“, - განაცხადა ლევან იზორიამ.

შეგახსენებთ, რომ საქართველოს გენერალური შტაბის ხელმძღვანელს ვახტანგ კაპანაძეს 22 ნოემბერს ვადა ამოეწურა, იგი კი ვლადიმერ ჩაჩიბაიამ ჩაანაცვლა. ჩაჩიბაიამ ჟურნალისტებთან საუბრისას აღნიშნა, რომ უწყებაში იგი გარკვეულ რეორგანიზაციებს გეგმავს.