"იქნება მასობრივი სამოქალაქო პროტესტი, შედეგს ხალხი გადაწყვეტს"

"იქნება მასობრივი სამოქალაქო პროტესტი, შედეგს ხალხი გადაწყვეტს" - გვარამია R2-ის საქმეზე

პოლიტიკა - 15:26, 21 Nov, 2016

9083

უზენაეს სასამართლოსთან რუსთავი 2-ის მხარდამჭერი აქცია მიმდინარეობს. აქციაზე შეკრებილი საზოგადოება სასამართლოს ობიექტური გადაწყვეტილების მიღებიას და საქმის განსახივლელად ქვედა ინსტანციაში დაბრუნებისაკენ მოუწოდებენ.
მედიასთან კომენტარი გააკეთა აქციაზე მყოფმა, „რუსთავი 2“-ის გენერალურმა დირექტორმა ნიკა გვარამიამ. მისი თქმით, თუ უზენაესი სასამართლო მათ სარჩელს არ დააკმაყოფილებს, იქნება მასობრივი სამოქალაქო პროტესტი.
”თუ უზენაესი სასამართლო არ დააკმაყოფილებს ჩვენს სარჩელს, იმედს ვიტოვებთ, რომ იქნება მასობრივი სამოქალაქო პროტესტი, ჩვენი შემდეგი ნაბიჯი იქნება პროტესტი იმ შემთხვევაში, თუ არ დააკმაყოფილებს ჩვენს სარჩელს უზენაესი სასამართლო. რა ხდება მასობრივი სამოქალაქო პროტესტის დროს ეს ყველამ ვიცით. რა შედეგები მოჰყვება ამას ქართველი ხალხი გადაწყვეტს, ვინც დაიცავს ”რუსთავი2”-ს. სხვა შანსი ამ ვითარებაში არ გვექნება. გამოვიყენებთ კანონის და საერთაშორისო კონვენციებით დაშვებულ ყველა შესაძლებლობას, რომ შევცვალოთ ის სტატუს-კვო, რომელიც არსებობს”, - განაცხადა ნიკა გვარამიამ.

უზენაესი სასამართლო დღეს რუსთავი 2-ის საქმის განხილვას იწყებს. კოლეგია ტელეკომპანიის იურისტების სარჩელს განიხილავს, რომლის მიხედვითაც რუსთავი 2 მოითხოვს, უზენაესმა სასამართლომ გააუქმოს სააპელაციოს გადაწყვეტილება, რომლის მიხედვითაც ტელეკომპანია ქიბარ ხალვაშს მიეკუთვნა, ასევე საქმე განსახილველად ქვედა ინსტანციაში დააბრუნოს.