"არ აქვს არცერთი კიდური, მარტოა... არასოდეს მინახავს ადამიანს ასე სჭირდებოდეს დახმარება"- აკა სინჯიკაშვილი

სოც.მედია - 19:09, 19 Nov, 2016

19092

გიორგი ჩერქეზიშვილი გურიაში, ოზურგეთის რაიონის სოფელ ნატანებში ცხოვრობს, ის 56 წლის შშმ პირია. მას ჯანმრთელობის პრობლემებთან ერთად გაუსაძლის სოციალურ პრობლემებთან გამკლავებაც უწევს. მისი საცხოვრებელი უკიდურესად ცუდ მდგომარეობაშია და როგირც გიორგი ჩერქეზიშვილი ამბობს ის ამ პირობებში ზამთრის ვერ გადაიტანს.

გიორგი ჩერქეზიშვილს დამხმარედ ის ადამიანი გამოუჩნდა, რომლის მთავარი მოწოდებაც არის, რომ სახელმწიფოს დახმარების ლოდინის ნაცვლად "ჩვენ თვითონ მივხედოთ ერთმანეთს". სწორედ აკა სინჯიკაშვილმა მოინახულა გაუსაძლის პირობებში მყოფი გიორგი ჩერქეზიშვილი და ქველმოქმედების ორგანიზებას ჩვეული გულმოდგინებით შეუდგა, აკა სინჯიკაშვილი მოქალაქეებს ერთად დგომისკენ და გაჭირვებაში მყოფი თანამოქალაქის დახმარებისკენ მოუწოდებს

„მოკლედ ვიყავი ამ ადამიანთან დღეს. არასოდეს მინახავს რომ ადამიანს ესე ძალიან სჭირდებოდეს დახმარება. გიორგი ცხოვრობს სოფელ ნატანებში, ახალშენის დასახლებაში. არ აქვს არცერთი კიდური, ცხოვრობს სულ მარტო ამ სახლში. სახლში ზუსტად ისე ქრის ქარი, როგორც გარეთ, ჭერიდან წყალი ჩამოდის და კედლები ღიაა. ცხოვრობს პენსიით,180 ლარით, რომელიც რა თქმა უნდა არ ჰყოფნის არაფერში. არ აქვს სახლში არაფერი, არც ავეჯი არც თეთრეული, არც ტელევიზორი. მეზობლები ეხმარებიან სამადლოდ.

ყველაზე ძალიან იმაზე წუხს რომ ადამიანად არ მთვლიანო. არჩევნების დროს ყუთიც არ მომიტანეს სახლში, კაცად არ მთვლიანო

ზეგ დავბრუნდები ამ კაცთან ხელოსნებით და სამშენებლო მასალით, სახლი თუ არ შევუკეთეთ, მართლა ვერ გადაიტანს ზამთარს. ხვალ, ვიდგები ნახალოვკაში ქარვასლასთან, 7- დან 8 საათამდე და თუ ვინმეს რამის გამოტანება გინდათ შევაგროვებ. იქნებ რაღაცნაირად სახლის შესაკეთებელი ფული შევუგროვოთ რა, ბიჭებიც წამოვალთ და ხელოსნებს დავეხმარებით. აბა ჩვენ ვიცით . ჩვენთვითონმივხედოთერთმანეთს

ფული შეგიძლიათ ჩარიცხოთ ანგარიშზე:

ანგარიშის ნომერი: თიბისი ბანკი

GE90TB7603845061100016

აკაკი სინჯიკაშვილი

თიბისი ფეიში მოძებნეთ "ქველმოქმედება" და შემდეგ პირველივეა "ჩვენ თვითონ მივხედოთ ერთმანეთს"

უცხო ქვეყნებიდან შეგიძლიათ გამოგზავნოთ გზავნილით. Akaki Sinjikashvili“- წერს აკა სინჯიკაშვილი ფეისბუკზე.