მოსკოვში საქართველოსა და რუსეთის პატრიარქების შეხვედრა გაიმართა

პოლიტიკა - 19:00, 19 Nov, 2016

5603

ილია მეორე რუსეთს პატრიარქ კირილის 70 წლის იუბილისადმი მიძღვნილ ღონისძიებებში მონაწილეობის მისაღებად ეწვია. საქართველოსა და რუსეთის პატრიარქების შეხვედრა მოსკოვში უკვე შედგა.

რუსული მედიის ინფორმაციით პატრიარქების შეხვედრაზე საუბარი შეეხო ორი ეკლესიის ურთიერთობას, ეკლესიების მეთაურების თქმით რუსულ და ქართულ ეკლესიებს შორის მეგობრობა პოლიტიკოსებისთვის შესაძლოა კარგ მაგალითად გამოდგეს:

„თუ დიპლომატები და პოლიტიკოსების მუშაობენ ცნობიერების დონეზე, ბიზნესმენები საფულისა და კუჭის, ეკლესია მუშაობს გულის დონეზე. ადამიანთა გულების კავშირის გარეშე შეუძლებელია ქეყნებსა და ხალხებს შორის კარგი ურთიერთობა იყოს“- განაცხადა პატრიარქმა კირილმა.

„ჩვენი ეკლესიების ურთიერთობა პოლიტიკოსებისთვის მაგალითს წარმოადგენს.“- აღნიშნა ილია მეორემ.

ორი ქვეყნის პატრიარქებმა საქართველოში რუსი ტურისტებისა და მომლოცველების რიცხვის გაზრდაზე ისაუბრეს და ეს ფაქტი დადებითად შეაფასეს.

ხვალ ილია მეორე სხვა მართლმადიდებელი ეკლესიების წარმომადგენლებთან ერთად მოსკოვის მაცხოვრის ტაძარში საერთო წირვას დაესწრება, 23 ნოემბერს კი მოსკოვის ქართულ ეკლესიაში პარაკლისს გადაიხდის და დიასპორის წარმომადგენლებს შეხვდება.