,,118 კაციან უმრავლესობას სჭირდება ჩაქუჩის ჩამრტყმელი, კარგი თავმჯდომარე კი პარლამენტს, ქვეყანას და ოპოზიციას“

,,118 კაციან უმრავლესობას სჭირდება ჩაქუჩის ჩამრტყმელი, კარგი თავმჯდომარე კი პარლამენტს, ქვეყანას და ოპოზიციას“ - ბაქრაძე

პოლიტიკა - 18:45, 18 Nov, 2016

3365

საქართველოს მე-7 მოწვევის პარლამენტის თავმჯდომარემ და მე-9 მოწვევის პარლამენტის უმცირესობის ლიდერის დავით ბაქრაძის თქმით ირაკლი კობახიძეს პარლამენტის თავმჯდომარის პოსტზე მაკოორდინირებელი ფუნქციის შესრულება გაუჭირდება, რადგან ის წინასაარჩევნო კამპანიის დროს აგრესიულობით გამოირჩეოდა. თუმცა იმ შემთხვევაში თუ ირაკლი კობახიძე შეძლებს ვიწროპარტიული ინტერესებიდან გამოსვლას, ბაქრაძე აცხადებს, რომ მზადაა ითანამშრომლოს და პოზიტიურ მცდელობებში მხარი დაუჭიროს:

„ჩვენ ვიხილეთ ირაკლი კობახიძე საარჩევნო კამპანიის დროს, სადაც ის აკეთებდა ძალიან მწვავე განცხადებებს, რომელიც იყო მისი პარტიული ინტერესების დასაცავად და ეს განცხადებები ხშირად ჩვენს შემთხვევაშიც იყო ობიექტურობის ზღვარს მიღმა. მთავარი გამოწვევა, რომელიც მას ექნება იქნება გადაწყობა ახალ რეჟიმზე, რომ პარლამენტის თავმჯდომარეს ქმნის არა მისი პარტიის დაცვა, არამედ ოპოზიციასთან თანამშრომლობა და ურთიერთობა. ნებისმიერი პარლამენტის თავმჯდომარეს ირჩევს უმრავლესობა, მაგრამ ქმნის და აფასებს ოპოზიცია. თუ შეძლებს ირაკლი კობახიძე, რომ ეს გაიაზროს და შეძლებს ოპოზიციისკენ ნაბიჯების გადმოდგმას. იყოს გამაერთიანებელი და იმუშაოს საერთო ინტერესების, კომპრომისების და კონსესუსების გზით, ჩვენ ასეთი მუშაობისთვის მზად ვართ. მას მოუწევს დაამტკიცოს, რომ მას შეუძლია განსხვავებულ სტილში მუშაობა“- განაცხადა დავით ბაქრაძემ.

მისი თქმით, მიუხედავად არსებული კითხვის ნიშნებისა, მას სურს რომ პარლამენტის თავმჯდომარის და პარლამენტის მუშაობა ნაყოფიერი იყოს:

„მისი საკუთარი უმრავლესობა, როგორ შეაფასებს ეს გასაგებია, მე მინდა იმედი ვიქონიო, რომ საქართველოს პარლამენტს ეყოლება კარგი თავმჯდომარე, კარგი თავმჯდომარე არ სჭირდება საპარლამენტო უმრავლეობას. 118 კაციან უმრავლესობას სჭირდება ჩაქუჩის ჩამრტყმელი ადამიანი, რომელმაც უბრალოდ მიკროფონის ჩართვა გამორთვა იცის. კარგი თავმჯდომარე სჭირდება პარლამენტს, ქვეყანას და ოპოზიციას.მე მინდა იმედი ვიქონიო, რომ ის შეძლებს საკუთარ თავში გადალახოს ის რაც ჩვენ საარჩევნო კამპანიის დროს დავინახეთ და მინდა ვუთხრა რომ ნებისმიერ პოზიტიურ მცდელობაში იყოს უფრო კონსოლიდირებული, შემრიგებლური და კონსოლიდირებული კომპრომისზე და მუშაობაზე, ნებისმიერ ასეთ მცდელობაზე ჩვენ მზად ვიქნებით მხარი დავუჭიროთ“ - განაცხადა დავით ბაქრაძემ.