"არჩევნების დემოკრატიული სტანდარტებით ჩატარება ქვეყანაში ტრადიციად იქცა"- თამარ ჟვანია

პოლიტიკა - 13:16, 18 Nov, 2016

1788

ცენტრალური საარჩევნო კომისიის თავმჯდომარე თამარ ჟვანიამ მე-9 მოწვევის პარლამენტის წინაშე სიტყვით გამოსვლისას განაცხადა, რომ "არჩევნების დემოკრატიული სტანდარტებით ჩატარება ქვეყანაში ტრადიციად იქცა".

ცესკოს თავმჯდომარე მიიჩნევს, რომ საპარლამენტო არჩევნები იყო მნიშვნელოვანი ტესტი, რომელიც ჩატარდა მშვიდობიან, კონკურენტულ ვითარებაში.

"2016 წლის 8 ოქტომბრის პარლამენტის არჩევნები უმნიშვნელოვანესი მოვლენა იყო ჩვენი ქვეყნის ისტორიაში და თამამად შეიძლება ითქვას, რომ არჩევნების დემოკრატიული სტანდარტებით ჩატარება ქვეყანაში ტრადიციად იქცა. საქართველოში უკვე რამდენიმე საარჩევნო ციკლია, ვხედავთ, როგორ ვითარდება ეტაპობრივად საარჩევნო გარემო და მხოლოდ საერთაშორისოდ აღიარებულ პრინციპებს ემყარება. საპარლამენტო არჩევნები იყო მნიშვნელოვანი ტესტი, რომელიც ჩატარდა მშვიდობიან, კონკურენტულ ვითარებაში, სადაც საქართველოს მოქალაქეებს ჰქონდათ შესაძლებლობა, თავისუფალ გარემოში გამოეხატათ საკუთარი ნება“, - განაცხადა თამარ ჟვანიამ.

მან პარლამენტს, საპარლამენტო არჩევნების შედეგები გააცნო. ჟვანიამ პარლამენტის წევრთა უფლებამოსილების ცნობისათვის საჭირო დოკუმენტაციაც წარუდგინა, რომელიც დროებით სამანდატო კომისიას გადასცა.