"ვერ შევეგუები სახელმწიფო ინსტიტუტების, მედიის, საზოგადოების კონსტიტუციური უფლებების შელახვის ჩანაფიქრსაც კი"- პრეზიდენტი

პოლიტიკა - 12:58, 18 Nov, 2016

1346

საქართველოს პრეზიდენტმა გიორგი მარგველაშვილმა დღეს ახლადარჩეული პარლამენტის პირველი სხდომა გახსნა. პრეზიდენტმა განვლილ წლებზე ისაუბრა და აღნიშნა, რომ მისი დღის წესრიგის მნიშვნელოვან ნაწილს ინსტიტუციების დაცვა წარმოადგენდა. გიორგი მარგველაშვილის თქმით, ის არც მომავალში არ შეეგუება სახელმწიფოებრივი ინსტიტუტების, მედიის, სამოქალაქო საზოგადოების კონსტიტუციური უფლებების შელახვას:

„განვლილი სამი წლის განმავლობაში ჩემი საპრეზიდენტო დღის წესრიგის მნიშვნელოვან ნაწილს წარმოადგენდა, ინსტიტუციების, მათ შორის საპრეზიდენტო ინსტიტუტის დაცვა. ეს არ იყო ჩემი არჩევანი, ეს იყო რეალობა რომელიც ჩემი და ჩემი გუნდის წინაშე დადგა. მიმაჩნია, რომ ამ საკითხებზე ნაკლები დრო და ენერგია რომ დახარჯულიყო, პრეზიდენტის და სხვა უწყებათა რესურსი უკეთესად მოხმარდებოდა, როგორც ქვეყნის ასევე თითოეული მოქალაქის ინტერესებს. ამიტომ, ერთის მხრივ, მინდა კიდევ ერთხელ დაგიდასტუროთ, რომ ვერ შევეგუები სახელმწიფოებრივი ინსტიტუტების, მედიის, სამოქალაქო საზოგადოების კონსტიტუციური უფლებების შელახვის ჩანაფიქრსაც კი. ამავე დროს, მეორეს მხრივ მინდა მოგახსენოთ, რომ გამოვთქვამ მზადყოფნას აქტიური თანამშრომლობისთვის“ - განაცხადა გიორგი მარგველშვილმა.