საქართველოს მეცხრე მოწვევის პარლამენტის პირველი სხდომა გაიხსნა, რომელზეც ახლადარჩეულ დეპუტატებს სიტყვით პრეზიდენტმა გიორგი მარგველაშვილმა მიმართა.

პარლამენტის შენობაში დეპუტატები შეიკრიბნენ. მათ შორის არის „პატრიოტთა ალიანსის“ ერთ-ერთი ლიდერი ირმა ინაშვილი, რომელმაც სხდომის გახსნამდე ჟურნალისტებისთვის კომენტარი გააკეთა და აღნიშნა, რომ იგი პარლამენტში მხოლოდ ჩხუბისთვის არ შედის:

„მოვდივარ დამძიმებული იმ 12 წლით, რაც გავიარე ჩემს გუნდთან ერთად, ეს იყო ბრძოლის წლები, ეს იყო უსამართლობასთან ბრძოლის წლები და სწორედ მთავარი საკითხი ჩვენ რასაც წამოვწევთ, ეს იქნება საარჩევნო სისტემის შეცვლა, პარლამენტი არის ის ადგილი, სადაც მსჯელობენ, კამათობენ, ზოგჯერ ჩხუბობენ, ეს ბუნებრივია, მე არ გამოვრიცხავ არცერთ ამ ფაზას, მაგრამ მხოლოდ ჩხუბისთვის არ შევდივარ მე პარლამენტში და არც ჩემი გუნდი“, - განაცხადა ირმა ინაშვილმა.