აფხაზეთის დე ფაქტო საგარეო უწყება რუს დეპუტატებს დაუფიქრებელი განცხადებებისგან თავის შეკავებას ურჩევს

პოლიტიკა - 14:09, 17 Nov, 2016

3222

ოკუპირებული აფხაზეთის დე ფაქტო საგარეო საქმეთა სამინისტრო რუსეთის სახელმწიფო სათათბიროს დეპუტატის ლეონიდ კალაშნიკოვის განცხადებას ეხმაურება:

"РИА Новости-სთან ინტერვიუში სათათბიროს დეპუტატმა კეონიდ კალაშნიკოვმა განაცხადა იმის შესახებ, რომ მოლდოვის ტერიტორიული საკითხის გადაწყვეტა შესაძლოა უკრაინისა და საქართველოსთვის მაგალითად გამოდგეს.

აუცილებელია აღინიშნოს, რომ მსგავსი განცხადების გაკეთება მხოლოდ ისეთ ადამიანს შეეძლო, რომელიც ისტორიას ცუდად იცნობს და ვერც აღნიშნული კონფლიქტების პოლიტიკურ რეალიებში ერკვევა. აფხაზი ხალხი დიდი ხნის განმავლობაში იბრძოდა თავისი ეთნიკური გადარჩენისთვის, რომლის მიღწევაც მხოლოდ სუვერენული სახელმწიფოს გფარგლებში იყო შესაძლებელი. 1993 წელს სისხლიან ომში უზარმაზარი მსხვერპლის ფასად მოიპოვა უფლება დამოუკიდებელი სახელმწიფო შეექმნა. ახალი სახელმწიფოს შექმნის სამართლებრივ საფუძველს წარმოადგენდა 1994 წელს აფხაზეთის პარლამენტის მიერ კონსტიტუციის მიღებას, რომლის მიხედვითაც აფხაზეთი წარმოადგენს სუვერენულ დამოუკიდებელ სახელმწიფოს, საერთაშორისო სამართლის სუბიექტს. კონსტიტუციამ საერთო სახალხო მხარდაჭერა მოიპოვა 1999 წელს ჩატარებულ რეფერენდუმზე. რამაც წერტილი დაუსვა საქართველოსთან „საერთო სახელმწიფოს“ შესაძლო შექმნის შესახებ დისკუსიას.

რუსეთის ფედერაციის მიერ 2008 წელს აფხაზეთის დამოუკიდებლობის ცნობამ ამ სუვერენულ სტატუსს ლეგიტიმაცია შესძინა. ხაზგასმით უნდა აღინიშნოს, რომ რუსეთის ფედერაციის უმაღლესმა ხელისუფლებმა ვლადიმერ პუტინმა და დმიტრი მედვედევმა არაერთხელ ხაზგასმით აღნიშნეს, რომ აფხაზეთის დამოუკიდებლობის ცნობის გადაწყვეტილება არ ექვემდებარება განხილვას და არ გააჩნია უკუქცევითი ძალა.

ამ ფონზე განსაკუთრებით ნეგატიურად და არაპროფესიონალურად გამოიყურება ბატონი კალაშნიკოვის დასკვნები, რომელიც თავისი დაუსაბუთებელი განცხადებებით ეჭქვეშ აყენებს , რუსეთის ფედერაციის უმაღლესი ხელმძღვანელობის მიერ მიღებულ გადაწყვეტილებას.

ვიმედოვნებთ რომ დეპუტატი ლეონიდ კალაშნიკოვი გამოიტანს სწორ დასკვნებს არსებული ვიტარებიდა და მომავალში შეეცდება თავიდან აიცილოს მსგავსი ნაჩქარევი და არაგონივრული განცხადებები, აფხაზეთის რესპუბლიკის სტატუსთან დაკავშირებით.

თავის მხრივ, აფხაზეთის საგარეო საქმეთა სამინისტრო აპირებს ეს განცხადება გადაუგზავნოს რუსეთის სახელმწიფო სათათბიროს და რუსეთის კომუნისტური პარტიის ხელმძღვანელობებს, რომლის წევრსაც ბატონი კალაშნიკოვი წარმოადგენს, იმისთვის რათა მიღებული იქნეს ზომები, რათა მომავალში თავიდან აცილებული იქნეს დეპუტატების მხრიდან მსგავსი განცხადებები"- აღნიშნულია დე ფაქტო საგარეო უწყების განცხადებაში.