თბილისის 2017 წლის ბიუჯეტის პროექტი საკრებულოში უკვე წარდგენილია. დედაქალაქის მერიამ მთავარი ფინანსური დოკუმენტი საკანონმდებლო ორგანოში გუშინ დღის ბოლოს გადააგზავნა.

მმართველი გუნდის ინფორმაციით, მთავარი საფინანსო დოკუმენტი დაახლოებით 800 მილიონ ლარს შეადგენს. მთავარი პრიორიტეტები კი, ინფრასტრუქტურა, ქალაქის კეთილმოწყობა და გამწვანებაა.

ბიუჯეტის პროექტთან დაკავშირებით, საკრებულოს კომისიები უახლოესი ათი დღის განმავლობაში იმსჯელებენ და დოკუმენტს შენიშვნებთან ერთდ, მერიას უკან დაუბრუნებენ.

ბიუჯეტთან დაკავშირებით პრეტენზიები აქვს საკრებულოს ოპოზიციას, მათი თქმით ბიუჯეტი არა დედაქალაქის მაცხოვრებლების, არამედ ხელისუფლების ინტერესებსაა მორგებული.

საკრებულომ დედაქალაქის მთავარი საფინანსო დოკუმენტი 31 დეკემბრამდე უნდა დაამტკიცოს.