,,დედის რძესავით შევირგეთ გაყალბება, ენმ მზად არ აღმოჩნდა“

,,დედის რძესავით შევირგეთ გაყალბება, ენმ მზად არ აღმოჩნდა“ - სააკაშვილი არჩევნებზე

პოლიტიკა - 22:25, 15 Nov, 2016

2420

მიხეილ სააკაშვილი აცხადებს, რომ 8 ოქტომბრის არჩევნები გაყალბებულია. როგორც ექსპრეზიდენტმა გადაცემა ,,არჩევანში“ განაცხადა, ნაციონალური მოძრაობა არ აღმოჩნდა მზად, გაყალბებას წინ აღდგომოდა.

,,ეს ციფრები ყველამ იცის, რომ არ ასახავს რეალობას. ეს ციფრები არის ყალბი. რატომ არ ზეიმობენ ქოცები? იმიტომ რომ ყველა მონაწილეობდა ამ გაყალბებაში, თავს ნუ მოვიტყუებთ, იყო ყველაზე დიდი აფიორა, რაც კი ოდესმე ჩატარებულა. ალბათ იყო ჩვენს დროსაც მანიპულაციები, მე ამისკენ არასოდეს მომიწოდებია, თორემ 2012 წელს ჩვენს შეგვეძლო გამოგვეყენებინა. ივანიშვილმა ჩამოიყვანა ვიღაც გამომკითავი, რომელსაც არავინ იცნობს, მერე დააწერინა ციფრი და პირდაპირ მიუსადაგა. სანდრა ზუგდდის ვერ წააგებდა, ციფრები რომ გადაუკეთეს და არ გამოუვიდათ, მერე დაარბიეს. მეორე ტურში შეიჭმებოდა, ეს იცოდა ივანიშილმა და ამიტომ თავხედურად ეს გააკეთა. ბოლოს დედის რძესავით შევირგეთ გაყალბება“ - განაცხადა სააკაშვილმა.

ექსპრეზიდენტის თქმით, ნაციონალური მოძრაობა არ აღმოჩნდა მზად, განსხვავებით 2003 წლის არჩევნებისა.

,,ამისთვის აპრტია არ ემზადებოდა, ამას სპეციფიური მომზადება უნდა, 2003 წელს ჩვენ ვემზადებოდით. რიჩარდ მაილსმა რამდენიმე შეხვედრა მომიწყო ჯორბენაძესთან და პირდაპირ მეუბნებოდა, რომ არ გვინდა არეულობა და თქვენ გადმოხვალთ მერე ადგილზე, ამიტომ ვერ მიტანს ეს კაცი... ჩვენ არ დავთანხმდით, უცხოელები მოგვიწოდებდნენ ამაზე... მაშინ დავურეკე მეგობრებს თეთრ სახლში და ვუთხარი რომ ამერიკა არ უნდა ყოფილიყო გაყალბების წინააღმდეგ? იმ უცხოელებს დავანახეთ დარღვევები? შენთვითონ თუ არ იცავ, ვინ გითხრათ, რომ უცხოელები დაგიცავენ? იქ უკრაინაა , სირიის კრიზისია, ვის რაში აინტერესებს? ჩვენ დავაფიქსირეთ, მე დავაფიქსირე მათ შორის საქართველო მსოფლიო რუკაზე, მაგრამ ეს მზითვში კი არ მოგვყოლია, როგორც დავფიქსირდით ისე წავიშლებით“ - განაცხადა სააკაშვილმა.