რუსი ბიზნესმენები საქართველოს მთავრობის წევრებს შეხვდებიან?

რუსი ბიზნესმენები საქართველოს მთავრობის წევრებს შეხვდებიან? - რას ამბობენ მაღალჩინოსნები

პოლიტიკა - 12:09, 15 Nov, 2016

2252

თბილისში რუსი ბიზნესმენების ვიზიტი გრძელდება. ქართველ კოლეგებთან შეხვედრის შემდეგ ისინი იუსტიციის სახლსს დაათვალიერებენ. ვრცელდება ინფორმაცია, რომ სტუმრებს ენერგეტიკის მინისტრის მოადგილეებიც შეხვდებიან. მიღებაა ჩანიშნული საპარტნიორო ფონდიც.

მთავრობაში აცხადებენ, რომ რუს ბიზნესმენებთან შეხვედრები დაგეგმილი არ არის.

„რუსი ბიზნესმენების ვიზიტი შეიძლება განვიხილოთ ეკონომიკურ ჭრილში. ეს ურთიერთობები ადრეც არსებობდა და ცხადია ახლაც არსებობს. ნებისმიერი განვითარება საქართველო - რუსეთის ურთიერთობებში, რომელიც ხდება იგივე აბაშიძე-კარასინის ფორმატში, ვერ და არ მოხდება საქართველოს ტერიტორიული მთლიანობის და სუვერენიტეტის ხარჯზე, ანუ იმ საკითხებში კომპრომისის ხარჯზე, რომელიც ჟენევის საერთაშორისო დისკუსიების ფორმატში განიხილება“ - აცხადებს ქეთევან ციხელაშვილი.

შერიგებისა და სამოქალაქო თანასწორობის საკითხებში სახელმწიფო მინისტრი აცხადებს, რომ პირადად მასთან არავითარი შეხვედრა არ არის ჩანიშნული.

რუსი ბიზნესმენების ვიზიტთან დაკავშირებით განცხადება გააკეთა საქართველოს საგარეო საქმეთა მინისტრმა.

"ეკონომიკური და სავაჭრო ურთიერთობები ორ ქვეყანას შორის ვითარდება, არაფერი გასაკვირი არ არის. რუსი ბიზნესმენები და რამდენიმე კომპანია ჩამოვიდა საქართველოში და დაინტერესდა საინვესტიციო თუ სავაჭრო გარემოთი"- თქვა ჯანელიძემ.