,,ეროვნულ დემოკრატიული ინსტიტუტი” 2016 წლის საპარლამენტო არჩევნების სადამკვირვებლო საქმიანობის საბოლოო ანგარიშს აქვეყნებს. NDI-ის საქართველოს ოფისის დირექტორის განცხადებით არჩევნები ასახავდა ხალხის ნებას , თუმცა იყო მნიშვნელოვანი პრობლემებიც მათ შორის ძალადობა, დაშინება და საუბნო საარჩევნო კომისიის წევრების სათანადო კვალიფიკაციისა და კომპეტენციის უქონლობის საკითხი:

“ეს არჩევნები ასახავდა ხალხის ნებას, თუმცა იყო მნიშვნელოვანი პრობლემებიც, მათ შორის ძალადობა, დაშინება, პრობლემები საარჩევნო კომიტეტთან დაკავშირებით, რომლებიც ვერ ასრულებდნენ სათანადოდ თავის პასუხისმგებლობას და იყო ბევრი შეცდომები. ჩვენ ასევე შევეხეთ საჩივრების განხილვის პროცესს და სხვა საკითხებს. ასე რომ, გვაქვს რეკომენდაციების სერია. ამ ანგარიშის მთავარი მიზანი კი ისაა, რომ ვიცოდეთ რა შეიძლება გაუმჯობესდეს, რათა შემდეგი საარჩევნო პროცესი უფრო მსუბუქი იყოს,” - განაცხადა ლორა თორნტონმა.

"ენ-დი-აი" ახალ პარლამენტსა და მთავრობის განახლებულ შემადგენლობას რეკომენდაციებით მიმართავს და მოუწოდებს, გადაწყვეტილების მიღებისას მოსაზრებების ფართო სპექტრი და ყველა მოქალაქის ინტერესი გაითვალისწინონ.