საქართველოს ვიზალიბერალიზაცია - ევროკავშირის საბჭო პროცესის დროულად დასრულებაზე საუბრობს

პოლიტიკა - 18:15, 14 Nov, 2016

3013

ვროკავშირის საგარეო საქმეთა მინისტრებმა "აღმოსავლეთ პარტნიორობასთან" დაკავშირებით ერთობლივი განცხადება მიიღეს.
ევროკავშირის საბჭო ხაზს უსვამს საქართველოსა და უკრაინის ვიზალიბრალიზაციის პროცესების დროულად დასრულების მნიშვნელობას. ამის შესახებ ნათქვამია ევროკავშირის საგარეო საქმეთა მინისტრების მიერ მიღებულ ერთობლივ განცხადებაში. ევროკავშირის საგარეო საქმეთა მინისტრების საბჭო მიესალმება საქართველოსთან, მოლდოვასა და უკრაინასთან ასოცირების შეთანხმების განხორციელებაში მიღწეულ პროგრესს.

“საბჭო აღიარებს, რომ მობილურობა და ადამიანებს შორის კონტაქტები ევროკავშირის წევრებისა და პარტნიორი ქვეყნების საზოგადოებებს აახლოებს. საბჭო ხაზგასმით აღნიშნავს, რომ აღმოსავლეთ პარტნიორობის მთავარ ქვაკუთხედად რჩება მოქალაქეების მობილობა უსაფრთხო და კარგად მართვად გარემოში. საბჭო ხაზს უსვამს საქართველოსა და უკრაინის ვიზელიბარალიზეციასთან დაკავშირებით გადაწყვეტილების მიღების პროცესის დროული დასრულების მნიშვნელობას”- განცხადებაში.

როგორც განცხადებაშია ნათქვამი, საბჭო ადასტურებს, რომ "აღმოსავლეთ პარტნიორობა", როგორც ევროპის სამეზობლო პოლიტიკის განსაკუთრებულ განზომილებას, დიდი მნიშვნელობა ენიჭება. საბჭო აღნიშნავს, რომ "აღმოსაველთ პარტნიორობა" დაფუძნებულია საერთაშორისო სამართლისადმი, ფუნდამენტური ღირებულებებისადმი საერთო ერთგულებაზე.