გაუქმდება თუ არა ,,სითი პარკი?" - ნარმანია პასუხისმგებლობას წინა ხელისუფლებას აკისრებს

პოლიტიკა - 12:33, 12 Nov, 2016

7075

დედაქალაქის მერი დავით ნარმანია „სითი პარკთან“ გაფორმებულ კონტრაქტზე კიდევ ერთ განცხადებას აკეთებს. მერის განცხადებით, თბილისის 2017 წლის ბიუჯეტის განხილვის დროს შესაძლოა საუბარი იყოს საკრებულოს დეპუტატებთან „სითი პარკთან“ დაკავშირებით. თბილისის მერი ნარმანიამ აღნიშნულ კომპანიასთან „კაბალური ხელშეკრულების გაფორმების გამო“ წინა ხელისუფლება კიდევ ერთხელ გააკრიტიკა.
"სამწუხაროდ, „სითი პარკის“ ინვესტიცია არის მხოლოდ და მხოლოდ საღებავი, რომლითაც ისინი ქუჩებს ხაზავენ და 5 თუ 6 ევაკუატორი, რომლითაც ავტომობილები საჯარიმო სადგომზე გადაჰყავთ. მნიშვნელოვანია, რომ უსაფუძვლო განცხადებები იყოს გამყარებული ციფრებით და არგუმენტებით, როდესაც ბიუჯეტი არ გვაძლევს საშუალებას, რომ 25 მილიონი ლარი გადავუხადოთ „სითი პარკს“, გამოვივისყიდოთ მისგან კონტრაქტი ერთი მხრივ და მეორე მხრივ, როდესაც არ არის შესაბამისი ბერკეტები, უმჯობესია პასუხი მოვთხოვოთ იმ ხალხს, რომლებმაც ასეთი კაბალური ხელშეკრულება დადეს. ასე, რომ საკრებულოს ამ წევრების ადგილას მივუბრუნდებოდი იმ ადამიანებს და პასუხს მოვთხოვდი. როდესაც საკრებულოში მივალთ, მოვუწოდებ მათ, მიუბრუნდნენ თავიანთ კოლეგებს, რომლებმაც ასეთი კაბალური ხელშეკრულება დადეს თავის დროზე „სითი პარკთან“. დარწმუნებული ვარ, ერთად მოვთხოვთ მათ პასუხს“, - განაცხადა დავით ნარმანიამ.