„ქართულ ზღაპრებთან დაკავშირებით, მანამდე იყო ბევრი საუბარი. განსაკუთრებით ფსიქოლოგები აქტიურობდნენ და ამბობდნენ, რომ მათში იმაზე მეტი ძალადობაა, ვიდრე ეს ბავშვის გონებას შეეძლო აეტანა“ - წერს ლიკა ყაზბეგი და ალექსანდრე ჯეჯელავაზე განაწყენებულ ფბ.მომხმარებელთა პოსტებს ეხმაურება.

„ფეისბუქელების“ წყრომა განათლების მინისტრის მიერ დაწუნებულმა ქართულმა ზღაპრებმა და მოძალადედ „შერაცხულმა“ კომბლემ განაპირობა.

ლიკა ყაზბეგი: „ფბ–ს ახალი მსხვერპლი ჰყავს. ალექსანდრე ჯეჯელავა. ჩვენი განათლების მინისტრი. ახლახანს, პოსტი ვნახე, სადაც ავტორი, მისი დაკნინების ხარჯზე აპირებს თავის ამაღლებას. სევდა მიპყრობს ასეთ დროს. სხვის ხარჯზე მაცხოვრებელ ალფონსებს მაგონებენ ასეთი ადამიანები. საკუთარი რესურსი რომ არ ყოფნით თავის დასამკვიდრებლად.

არადა, როგორ მომწონს მე ეს კაცი. სანდრო ჯეჯელავა. დიდი ხნის განმავლობაში ვუსმენდი მის ყოველ ლექციას (სანამ მინისტრად აკურთხებდნენ). ვიხიბლებოდი მისი განათლებით, გადმოცემის უნარით. მისი ყოველი სემინარი, თუ ტრენინგი დიდ შეთაბეჭდილებას ახდებდა და ძალიან გამეხარდა, როდესაც მთავრობამ მასზე შეარჩია არჩევანი.

ახლაც ძალიან მომწონს ეს ადამიანი, რადგან ვთვლი, რომ ის ნოვატორული იდეები, რაც მას აქვს, დიდი ხნის წინ უნდა დანერგილიყო სკოლებში.“