ამერიკის შეერთებულ შტატებში 8 ნოემბერს საპრეზიდენტო არჩევნები ჩატარდა. ერთმანეთს „რესპუბლიკური პარტიის“ კანდიდატი დონალდ ტრამპი და „დემოკრატიული პარტიის“ წარმომადგენელი ჰილარი კლინტონი უპირისპირდებოდნენ. არჩევნებში გამარჯვება და ამომრჩეველთა უმრავლესობის მხარდაჭერა დონალდ ტრამპმა მოიპოვა, იგი აშშ-ს 45-ე პრეზიდენტი გახდა.

შეერთებული შტატების არჩევნების შედეგებს საქართველოს მთავრობაში აფასებენ. თეა წულუკიანის განცხადებით, საქართველო მზად არის აშშ-სთან სტრატეგიული პარტნიორობა განაგრძოს:

„მას შემდეგ, რაც საქართველომ მოიპოვა დამოუკიდებლობა 90-იან წლებში, ამერიკის შეერთებულ შტატებთან ურთიერთობა, სტრატეგიული პარტნიორობა იყო საფუძველთა საფუძველი ჩვენი საერთაშორისო და საგარეო პოლიტიკის და ეს სტრატეგიული პარტნიორობა რა თქმა უნდა გაგრძელდება. როგორც გუშინ მთავრობის ხელმძღვანელის მიერაც იქნა აღნიშნული, ჩვენ გვაქვს მზაობა, რომ ეს სტრატეგიული პარტნიორობა კიდევ მეტად გაღრმავდეს“, - განაცხადა თეა წულუკიანმა.