"ჩვენ არც მხოლოდ რესპუბლიკელები და არც დემოკრატები ვართ, ჩვენ ამერიკელი პატრიოტები ვართ"

"ჩვენ არც მხოლოდ რესპუბლიკელები და არც დემოკრატები ვართ, ჩვენ ამერიკელი პატრიოტები ვართ" - ობამას მიმართვა

პოლიტიკა - 21:24, 09 Nov, 2016

2624

ამერიკის შეერთებული შტატების 8 ნოემბრის საპრეზიდენტო არჩევნების შედეგების გამოცხადების შემდეგ, აშშ-ის მოქმედმა პრეზიდენტმა ბარაკ ობამამ პირველი განცხადება გააკეთა და დონალდ ტრამპს გამარჯვება მიულოცა:
"მე და პრეზიდენტ ბუშსაც სერიოზული განსხვავებები გაგვაჩნდა, მაგრამ მაღალ დონეზე, პროფესიონალურად იმუშავა ბუშის გუნდმა, რათა ხელისუფლების გადაცემა მომხდარიყო შეფერხებების გარეშე. ძალიან სწრაფად იგებ, როდესაც პრეზიდენტი ხარ, რომ პრეზიდენტობა და ვიცე-პრეზიდენტობა ჩვენს პიროვნებებს აღემატება და მე მივყვები იმ მაგალითს, რომელიც პრეზიდენტ ბუშის გუნდმა დაამკვიდრა 8 წლის წინ. ეს იყო ხელისუფლების ეფექტური გადაცემის პროცესი ახალი პრეზიდენტისთვის. ჩვენ ყველა ვართ ერთიანი და ვმუშაობთ წარმატებისთვის. ხელისუფლების მშვიდობიანი გადაცემა გახლავთ ჩვენი დემოკრატიის ერთ-ერთი მახასიათებელი და ამას ჩვენ მსოფლიოს ვანახებთ. მქონდა საშუალება, ყოფილ სახელმწიფო მდივანთან კლინტიონთან მელაპარაკა, მე ვამაყობ მისით, მას ბრწყინვალე კარიერა ჰქონდა. მე ვამაყობ ამ პიროვნებით, ბევრ ამერიკელს მისი იმედი ჰქონდა, მისი ბრძოლა იყო ისტორიული მომენტი, რომ ყველა ამ ქვეყნის ქალიშვილს შეუძლია ასეთი დონის მიღწევა, დარწმუნებული ვარ რომ იგი განაგრძობს მოღვაწეობას. როდესაც არჩევნებს აგებ, არასასიმოვნოა, მაგრამ მეორე დღეს ვაღიარებთ, რომ ერთი გუნდის წევრები ვართ, არც მხოლოდ რესპუბლიკელები და არც მხოლოდ დემოკრატები, ამერიკელი პატრიოტები ვართ. როდესაც ბატონი ტრამპის შენიშვნები მოვისმინე, ეს დავიჭირე, რამაც გამაძლიერა, ეს არის ის რაც ჩვენს ქვეყანას ესაჭიროება, ერთიანობის შეგრძნება, ერთმანეთის პატივისცემა, კანონის უზენაესობა, იმედი მაქვს რომ ამ სულისკვეთებით აირებს სტარტს ტრამპის პრეზიდენტობა. მე ვუთხრაი ჩემი გუნდის წევრებს, მხრებში გასწორდნენ, რადგან სერიოზული სამუშაოები ჩაატარეს.
დარწმუნებული ვარ, რომ ახალ პრეზიდენტს ქვეყანას ვუტოვებთ უფრო ძლიერ სახელმწიფოდ, ვიდრე მანამდე იყო. ეს იყო ჩვენი მისია პირველივე დღიდან, რომ ვიღაცას მოეგო და ვიღაცას წაეგო. ყველა ამერიკელი, რომელიც ამ ქვეყანას აშენებს ყოველდღიურად, რომლებიც ძალღონეს არ იშურებენ, რომ საქმე წინ წაწიონ, ის სამუშაო, რომელიც შეერთებულ შტატებს აძლიერებს, ეს იყო ხანგრძლივი, დაძაბული კამპანია, ეს არის დემოკრატიის მახასიათებელი, მძიმეა და ძნელი. ნამდვილად არ არის ხშირად ენთუზიაზმის მომტანი, მაგრამ ახალგაზრდებს, რომლებიც პოლიტიკაში მოდიან, შესაძლოა იმედიც გაუცრუვდა. მოგიწოდებთ, გამხნევდით, იცოდეთ, რომ თქვენ შეგიძლიათ გააუმჯობესოთ ქვეყნის მდგომარეობა. ის გზა, რომელიც ქვეყანამ აირჩია, არასდროს არ ყოფილა პირდაპირი და მარტივი. ზოგჯერ ისეთი გზით მივდიოდით, როდესაც ერთი ჯგუფი თვლიდა, რომ მივდივართ წინ, მეორე კი უკან. მე წამიგია არჩევნები, ჯო ბაიდენს არ წაუგია. ასე ფუნქციონირებს პოლიტიკური მექანიზმი, ჩვენ ყველაფერს ვაკეთებთ, რომ დავარწმუნოთ ხალხი ჩვენს არჩევანში და შემდეგ ისინი ხმას გვაძლევენ, თუ დავმარცხდით, ჭრილობებს ვიშუშებთ და კვლავ ბრძოლისთვის ვემზადებით, რადგან გვწამს ჩვენი მოქალაქეების. ასე მიდის ეს ქვეყანა წინ, მხარს უჭერს თავისუფლებას მსოფლიოს მასშტაბით, ამიტომ დარწმუნებული ვარ, ამ გზაგასაყარზე ჩვენი წინსვლა გაგრძელდება, ყველაფერს გავაკეთებ, რომ შემდგომი პრეზიდენტი წარმატებული აღმოჩნდეს. ეს სამუშაო არის ესტაფეტისმაგვარი, როდესაც მას სხვას გადასცემ, იგი წავა წინ. ჩვენ ყველანი ერთი გუნდის წევრი ვართ" - განაცხადა ბარაკ ობამამ.